Ortalyq kommýnıkaııalar qyzmetinde «Qýatty óńir – qýatty Qazaqstan» akııasy aıasynda Almatynyń Astanadaǵy kúnderine arnalǵan baspasóz máslıhaty ótti. Onda «Óziniń ǵylym, bilim jáne mádenı áleýetin saqtaı otyryp, Almaty qalasy elimizdiń qarjy jáne týrıstik ortalyǵyna aınaldy. Qazaqstan ekonomıkasynyń 16 ese óskenin eskersek, osynaý jyldar ishinde Almatynyń da erekshe qarqynmen damyǵanyn kóremiz. Almaty óziniń damý barysynda orasan zor tabystarǵa jetti. Eger elimiz Táýelsizdigin jańa alǵan 90-jyldardyń basynda Almaty respýblıka IJÓ-niń tek on bóligin ǵana qamtamasyz etse, búgingi tańda megapolıs áleýeti el ekonomıkasynyń besten bir bóligin quraıdy», – dep atap ótti, Almaty qalasy ákiminiń orynbasary Arman Qyryqbaev.
Odan ári óz sózinde 90-jyldardyń ortasynda Almatyda 1415 kooperatıv bolsa, qazirgi kezde megapolıste 180 myńnan astam kishi jáne orta bıznes sýbektileriniń jumys isteıtindigin, sóıtip, kásipkerliktiń 130 esege óskenin aıtty. Osyǵan oraı, Búkilálemdik «Doing Business» bankiniń taıaýda jarııalaǵan, negizinen, Almatynyń kórsetkishi boıynsha esepteletin reıtınginde Qazaqstan 16 pozıııaǵa joǵary kóterilip, 35-oryndy ıelengeni erekshe eskerildi.
Baspasóz máslıhaty barysynda A.Qyryqbaev shahar ekonomıkasynyń qarqyndy damýy arqasynda Almaty bıýdjetiniń teń jartysy jumsalatyn áleýmettik salada pármendi ári júıeli sharalardyń júzege asqanyn aıtty. Atap aıtqanda, jyl basynan beri Almaty qalasynda 15 myńnan astam jańa jumys orny qurylǵan. Bul rette, tek qana múgedekterge áleýmettik qoldaý kórsetý úshin 1,8 mlrd. teńge jumsaldy. Al bul ótken jylmen salystyrǵanda 40 paıyzǵa kóp degen sóz.
Qala ákiminiń orynbasary óziniń sózinde, basty tujyrymy qalany odan ári damytý, qalalyqtardyń ómir súrý deńgeıin jaqsartý, ár adamǵa qamqorlyq kórsetý bolyp tabylatyn «Almatynyń 2020 jylǵa deıingi Damý baǵdarlamasynda munyń barlyǵy naqtyly kórinis tapqanyn aıtty. Sondyqtan, bul baǵdarlama bes ınstıtýıonaldy reformalardyń, «100 naqty qadam» Ult josparynyń áleýetterin aıqyndaı túsedi. Osy rette «Nurly jol» baǵdarlamasy aıasynda megapolıste sońǵy 9 aıdyń ishinde 4500 oryndy qamtıtyn 5 memlekettik jáne 119 jeke balabaqshanyń ashylǵanyn, 1800 oqýshyǵa arnalǵan jalpy bilim beretin nysandardyń iske qosylǵandyǵyn, mektepter men 2400 orynǵa arnalǵan qosalqy nysandar qurylystarynyń júrip jatqanyn atap ótti.
Almaty qalalyq Kásipkerlik jáne ındýstrıaldy-ınnovaııalyq damý basqarmasynyń basshysy Almas Mádıev ústimizdegi jyldyń 10 aıynda «Bıznestiń Jol kartasy-2020» baǵdarlamasy boıynsha ońtústik astanada 239 jobanyń qoldaý tapqanyn, bul ótken jyldyń osy kezeńimen salystyrǵanda 2,5 kóp ekenin aıtty.
Budan keıin OKQ-de ótken brıfıng barysynda Almaty qalasy Damý ortalyǵynyń basshysy Janna Tólegenova konepııasy qala turǵyndarynyń qalaýyna negizdelgen «Smart City» jobasyn engizýdegi almatylyq bıliktiń jospary týraly aıtty. Búgingi kúni KBTÝ men IDC Central Europe syndy seriktestermen birge Smart Almaty jobasynyń konepııasy men sheberlik- josparynyń jasalyp jatqanynan habardar etti.
Almaty qalasy ákiminiń orynbasary Arman Qyryqbaev baspasóz máslıhatyn qorytyndylaı kelip, qala bıliginiń Almatyny tek joǵary tehnologııaly megapolıs qana emes, dástúri men tarıhy berik saqtalǵan ári ózindik ereksheligi bar shaharǵa aınaldyrýdy josparlap otyrǵanyn aıtty. Búgingi zamanaǵa saı álemde tarıhı-mádenı mura kreatıvtilik pen ınnovaııanyń, jańarǵan qalanyń kıeli kózine aınalǵan. Osyǵan oraı, bıyl Almatyda elimizdegi alǵashqy «Alataý» dástúrli óner teatry, dástúrli mýzykanyń mýltımedııalyq ortalyǵy ashyldy. Budan basqa, jyl aıaǵyna deıin Almaty qalasynyń tarıhy týraly jańa murajaı esigin aıqara ashatyn bolady.
«ADYRNA».
