Älemde koronavirus infeksiiasy boiynşa jaǧdai älı de qiyn bolyp tūr. 220 elde 84 mln adam KVİ jūqtyrǧan, onyŋ 1 mln 840-y qaitys boldy, dep habarlaidy «Adyrna» tılşısı Densaulyq saqtau ministrlıgınıŋ baspasöz qyzmetıne sılteme jasap.
Al Qazaqstan qazır qaupı tömen jasyl aimaqta tūr. Alaida, Atyrau oblysy asa qauptı - qyzyl aimaqta. Alty öŋır: Pavlodar, Aqmola, Qostanai, Soltüstık Qazaqstan oblysy jäne Nūr-Sūltan, Almaty qalalary sary aimaqta. Bügın Ortalyq kommunikasiialar qyzmetınde ötken brifingte QR Densaulyq saqtau ministrı Aleksei Soi elımızdegı koronavirusqa qatysty epidjaǧdai jaily habardar ettı.
«Elımızde 156 943 nauqas COVID-19 jūqtyrǧan jäne 45 946 adamǧa KVİ- diagnozy qoiylǧan. Pasientterdıŋ 87% ındetten jazylyp şyqqan, al mausym-şılde aiynda aiyqqandar qatary 60% aspaityn», -dedı ministr.Biyl 3 qaŋtaryndaǧy jaǧdai boiynşa elımızde 18 608 infeksiialyq tösek-oryn bar, onyŋ ışınde 4 980 tösek-orynda nauqas jatyr. Reanimasiia bölımşesındegı pasient sany - 320, ötken aimen salystyrǧanda 1,3 esege artty (3 qaraşaǧa -253). Oqu jylynyŋ basynan 3 972 oquşy KVİ jūqtyrdy, onyŋ 1047-ı kezekşı synyptarda oqityn bala, 2925-ı qaşyqtyqtan bılım alady. Ministr söz soŋynda el azamattaryna epidemiologiialyq jaǧdaiǧa jauapkerşılıkpen qarap, saqtyq şaralaryn būzbauǧa şaqyrdy.
«Pandemiia älı de jalǧasuda, ökınışke qarai virusty tolyq jeŋgen joqpyz, sondyqtan jaǧdaiǧa barynşa jauapkerşılıkpen qarauǧa şaqyramyn. Özgelerge ındet jūqtyrmau üşın, jūqtyryp almau üşın mındettı türde maska kiıŋızder, äleumettık araqaşyqtyq pen gigiena talaptaryn saqtaŋyzdar», - dedı A.Soi.
«Adyrna» ūlttyq portaly
