Halyq densaýlyǵyn jaqsartý —- Qazaqstannyń damý saıasatynyń basym baǵyttarynyń biri. Búgingi kúni aýyldardaǵy emdeý mekemelerine jańa qurylǵylar, kólikter bólinip, standartqa saı jabdyqtalýǵa talpynys jasalýda. Naýqasqa qajetti em-dom jasaý úshin jańa tehnologııany meńgergen, bilikti de bilimdi mamandar jyl saıyn daıarlanýda. Budan bólek, Otandyq ǵalymdarymyz halyq densaýlyǵy úshin ter tógip, ıgi jańalyqtarymen bólisýde.
Mysaly, Aqtóbedegi Batys Qazaqstan medıınalyq ýnıversıtetiniń mamandary plastıkalyq langetterdi basyp shyǵarýǵa kiristi.
3D prınterimen jasalatyn zamanaýı dáke qol nemese aıaq súıekteriniń synyǵy kezinde qoldanylady. Bul medıınalyq buıymdardyń dástúrli gıpsten aıyrmashylyǵy, qyzdyrý arqyly kez-kelgen pishinge keltirýge bolady. Salmaǵy jeńil bolǵanymen gıpske qaraǵanda anaǵurlym berik. Torkózdi etip jasalatyn langetter adam terisiniń oıylmaýy úshin yńǵaıly.
Aıta keteıik, buryn-sońdy elimizde zamanaýı 3D prınterdiń kómegimen dáke basyp shyǵarylmaǵan. Sondyqtan medıına ýnıversıtetiniń ǵalymdary ázirge jappaı óndiristiń bolmaıtynyn jetkizdi. Sanaýly úlgisi ǵana jergilikti aýrýhananyń travmotologııa bólimine jiberiledi.
– Bizdiń ǵalymdar langetterdiń sapasyn zertteýge kiristi. Eger úmitimiz aqtalsa, Qazaqstannyń tájirıbelik medıınasynda úlken jańalyq bolaıyn dep tur. Sebebi, bizdiń paıymdaýymyzsha bul langetterdiń dástúrli gıpsterden artyqshylyǵy kóp. Máselen, burynǵy dákelerdiń salmaǵy 1,5 kelige deıin jetetin bolsa, bul 50 gramm ǵana, balalar úshin de jeńil. Teri de oıylmaıdy. Qol, aıaq súıekteri berik tanylady, - deıdi M.Ospanov atyndaǵy BQMÝ prorektory Samat Saparbaev.
Dýman Arǵyngeldi,
«Adyrna» ulttyq portaly
