Belgili ánshi Qaırat Nurtastyń jubaıy, aktrısa Juldyz Ábdikárimova «Álem hanymy» atandy. Bul týraly jýrnalıst Araı Álimhan Instagram jelisindegi resmı paraqshasynda jazdy, dep habarlaıdy «Adyrna» tilshisi.
«Qurmetti xalqym! Súıinshi!Jeltoqsannyń 1 men 24 aralyǵynda onlaın ótken “Mrs.Universe 2020” baıqaýynyń Bas júldesin qanjyǵa baılap, "Ǵalam xanymy 2020" tıtýlyn jeńip alǵan - Juldyz Ábdikárimova. Osyndaı keremet jańalyqty xalqyma jetkizý men úshin erekshe qýanysh! Elimizdiń tarıxynda alǵash ret xalyqaralyq deńgeıdegi sulýlyq baıqaýynda jeńiske jetken tuńǵysh qatysýshy Juldyz ekenin atap ótkim keledi. Bul birinshi jańalyǵym! Ekinshisi - endigi kezekte osyndaı baıqaýdy bizdiń elde ótkizý múmkindigin alǵanymyzdy jetkizgim keledi. Osy oraıda, óz alǵysymdy saıystyń ádil ótýin jiti qadaǵalaǵan uıymdastyrýshylar men baıqaýdyń basshysy - Megı men Savaǵa bildiremin!»,-dep jazdy ol.
«Adyrna» ulttyq portaly
