Jaŋa jylǧa orai qalanyŋ är jerınde 33 jaŋajyldyq şyrşa ornatyldy, dep habarlaidy «Adyrna» tılşısı äkımdıktıŋ baspasöz qyzmetıne sılteme jasap.
Bır kün būryn Nūr-Sūltanda merekenıŋ basty nyşanyn jaǧu räsımı ötken.
Şyrşalardyŋ bırı EKSPO qalaşyǧynyŋ aumaǧynda ornalasqan, biıktıgı 25 metr. Jasandy şyrşa 1200 şar, 250 kışkene jäne 20 kompozisiialyq qarmen türlı-tüstı etıp bezendırılgen. Ūzyndyǧy 1500 metr jypylyqtaityn jaryq diodty jäne 500 metr tvinkl-lait girliandtarmen jaryqtandyrylǧan. Saltanatqa qatysqan qala tūrǧyndary mereke sänın joǧary baǧalady.
«Şyrşa keremet, öte ädemı jaryqtandyrylǧan. Merekelık köŋıl-küi syilaidy. Öte ūnady. Otandastarymyzdy merekemen qūttyqtaimyz, kele jatqan 2021 jyl barlyǧyna sättılık, jaqsylyq, baqyt pen densaulyq äkelsın», - deidı elorda tūrǧyndary.Sondai-aq sanitarlyq-epidemiologiialyq baqylau departamentı halyq köp şoǧyrlanǧan jerlerge baratyn qala tūrǧyndaryn sanitarlyq normalardy qataŋ saqtauǧa şaqyrady. Jaŋa jyl qarsaŋynda elorda tūrǧyndary üşın beine qūttyqtaular ūiymdastyrylady. Rolikterge tanymal adamdar, qazaqstandyq estrada jūldyzdary, akterler jäne t.b. qatysady. Esterıŋızge sala keteiık, jaqynda Nūr-Sūltanda alty metrlık toqylǧan şyrşa paida bolady. Qazır mūnda elımızdıŋ tükpır-tükpırınen kelgen şeberler jūmys jasauda.
«Adyrna» ūlttyq portaly
