Úıdiń turǵyndary jalpy chat boıynsha «Baıqońyr» aýdany Polıııa basqarmasynyń ýchaskelik ınspektory polıııa kapıtany Dáýletbek Táńirbergenovke ózderi turatyn úıde taraqan men tyshqannyń kóbeıip ketkeni, qolańsy ıis shyǵyp turǵany týraly shaǵymdanǵan. Bul týraly «Adyrna» ulttyq portaly Nur-Sultan qalasynyń Polıııa departamentiniń resmı saıtyna silteme jasaı otyryp habarlaıdy.
Sebebi olardyń kórshisi birneshe jyl boıy óziniń úsh bólmeli úıin qoqys ornyna aınaldyrǵan. Turǵyndar kórshisiniń keıbir zattardy kerek dep qaldyrǵanyn, odan keıin kósheden, qoqys oryndarynan zattardy páterine tası bastaǵanyn aıtqan. Turǵyndardyń polıııaǵa júginýine týra kelgen, sebebi, ol eshkimge esik ashpaǵan.
Sasyq ıis, taraqandar men túrli jándikter turǵyndardyń mazasyn ketirgen.
Mán-jaıdy anyqtaý kezinde 53 jastaǵy er adamnyń jalǵyz turatyny anyqtalǵan.
Ýchaskelik polıııa ınspektorynyń kómegimen er adamnyń páterin tazalaý jumystary uıymdastyrylǵan. Úıdi jınaý eki kúnge sozylǵan. Nátıjesinde onyń turatyn úıinen birneshe júk kóligimen qoqys shyǵarylǵan. Úıdiń turǵyndary ýchaskelik ınspektorǵa kómek kórsetkeni úshin alǵys aıtýda.
Buǵan qosa, ýchaskelik ınspektor er adamnyń jeke kýáligin jáne áleýmettik járdemaqy alý úshin qujattaryn qalpyna keltirýge kómektesken.
«Adyrna» ulttyq portaly
