Jańa jyl - bala kezden asyǵa kútetin súıikti mereke! Túrli syılyqtar, dámdi taǵamdar, jaqyn jandarmen ótetin qyzyqty keshter… Jańa jyl týraly budan ózge qandaı qyzyq bar deıtin shyǵarsyz?! Biraq bul merekeniń de ár elde óz qyzyqtary bar eken. «Adyrna» ulttyq portaly nazarlaryńyzǵa birneshe qyzyqty derekter toptamasyn usynady.
● Eskımostar Jańa jyldy alǵash qar jaýǵan kezde toılaıdy.
● Italııalyq turǵyndar Jańa jyl túni barlyq eski kıimder, jıhaz ben ydystardy terezeden laqtyrady. Osylaısha, olar jańa jylda “jańa baqyt pen sáttilik keledi” dep esepteıdi.
● Al, Kýbada jamandyqtan ózderin tazartý úshin Jańa jyl kúni úıdegi barlyq ydystardy sýǵa toltyryp, túnde sol sýdy dalaǵa tógedi eken.
● Greııada otaǵasy Jańa jyl qarsańynda úıdiń qabyrǵasyna anar jemisin syndyrady. Jan-jaqqa shashyraǵan jemis dánderi sáttilik ákeledi dep senedi.
● Efıopııada Jańa jyl 11 qarasha kúni toılanady. Sonymen qatar, bul memleket áli kúnge deıin Iýlıandyq kúntizbeni qoldanady.
● Tıbet turǵyndaryny Jańa jyl qarsańynda bálish pisirip, kóshede ótip bara jatqan adamdarǵa taratady. Olar keler jyldyń násibin osy taratylǵan bálishtiń sanymen tikeleı baılanystyrady. Bári neǵurlym kóbirek taratýǵa tyrysady.
● Alǵash ret Jańa jyldyq ashyqhattar 1943 jyly London qalasynda shyǵarylǵan. Osydan keıin bir-birimen ashyqhat almasý dástúri paıda boldy.
● Qytaıda Jańa jyl 21 qańtardan 21 aqpanǵa deıingi kúnderdiń birinde toılanady.
● Taılandta Jańa jyl 13-15 sáýir aralyǵynda toılanady jáne ony «Songkran» dep ataıdy. Bul kúni barlyq adamdar bir-birine sý quıyp, túrli tústi talkpen dýsh qabyldaıdy. Talk degenimiz - maıda untaqqa jyldam aınalatyn untaq- mıneral.
● Álemdegi eń úlken shyrshany mereke aldynda Brazılııanyń astanasy Rıo-de-Janeıroda ornatady. Onyń bıiktigi 76 metrge jetedi, bul 20 qabatty ǵımarattyń bıiktigimen salystyrýǵa bolady.
● Ortaǵasyrlyq Eýropada shyrshany tóbege tóńkerip iletin. Bul - merekege ózindik kóterińki kóńil-kúı syılaǵan eken.
Daıyndaǵan: Eldana Jumataı,
«Adyrna» ulttyq portaly
