Koreıada musylmanǵa bar jaǵdaı jasalǵan

2662
Adyrna.kz Telegram

Altyngúl Dúısenova- Atyraý óńiriniń týmasy. Qazir Koreıada til úırenip júr. Mektep bitirgen soń Eýrazııa Ulttyq ýnıversıtetinde oqyǵan. Bir jyl týǵan jerinde jumys istegen soń ózin damytý úshin shetelge bilim qýyp ketken. Altyngúlmen Koreıa týraly, bolashaqqa qurǵan jospary týraly sóılestik.

-1996 jyly aqpanda 22 aqpanda Atyraýda ómirge keldim. 11-synypty bitirgen soń Eýrazııa Ulttyq ýnıversıtetine grantqa tústim. Oqýymdy támamdap, 1 jyl Atyraý qalasynda jumys istedim. Qazir til úırenip jatyrmyn.

      -Koreıaǵa oqýǵa barý týraly oı qalaı týyndady?

-Kishkentaı kezimnen Koreıaǵa barýdy armandaıtynmyn. Shetelde qalaı qydyryp júrgenimdi kóz aldyma elestetip, kóp qııaldaıtynmyn. Qazir sol armandarym oryndalyp jatyr. Koreıa eline ketýdegi maqsatym-til úırený. Jat elde júrgende óz elinńniń qadirin túsinesiń degen ras eken.

       -Qazaqstannan keterde qımastyq boldy ma? Alǵash barǵanda qandaı qıyndyqtar boldy?

-Alyp ushqan jastyqtyń bolar,dál ketetin kezde eshteńe sezbedim. Biraq tabanym Koreıaǵa tıgen kezde elimdi qatty saǵyndym. Arada bir apta ótken soń jat elde júrgenimdi, jaqyndarymnyń alysta qalǵanyn túsindim. Shynymdy aıtsam,alǵashynda ózim armandaǵan elge  úırenisý óte qıyn boldy. Taǵamyna, halqyna, mentalıtetke jatyrqap qaradym. Adam bárine úırenedi eken. Qazir qatty qınalyp júrgen joqpyn.

         -Koreıamen kıno arqyly tanystym dedińiz. Kınodan kórgen Koreıa men siz kórgen Koreıanyń aıyrmashylyǵy bar ma eken?

-Bárimiz Koreıany doramalar arqyly tanımyz ǵoı. Mektep kezinde koreı serıaldaryn kóp kóretinmin. Koreıaǵa kelgende sol kórgen dormalarym shynaıy beınege aınalǵandaı. Ekranda shynaıy beınege aınalǵandaı. Ekranda qalaı kórsetildi, dál solaı. Eshqandaı aıyrmashylyǵy joq. Fılmderi men serıaldary shynaıy túsiriledi eken.

       -Koreılerdiń shetel azamattaryna degen kózqarasy qandaı eken?

-Olar basqa eldiń azamattaryn erekshe qurmetteıdi eken. Túsinbeı, bilmeı turǵan nárselerińdi bappen túsindiredi. Koreı halqy óte eńbekqor, sypaıy,kishipeıil. Koreıa musylman memleketi bolmasa da, munda musylman adamǵa barlyq jaǵdaı jasalǵan. Meshit, halal dúkender, tamaqtanatyn oryndar- bári bar. Oramalmen emin-erkin júre alasyz. Barlyǵy bir-birin qurmetteıdi. Tipti metro, avtobýsqa minerde, kútý zalynda jınaqy, kezekterin kútip, asyqpaı, ulken kisilerge sypaıylyq tanytady.

      -Koreıadan basqa qaı elderge saıahat jasadyńyz?

-Reseıdiń Ýfa,Ýlan-Ýde, Altaı jerinde boldym. Bul aımaqtyń tabıǵaty qatty unady. Tabıǵat zonasy taıga bolǵandyqtan, aýasy taza, uıqyń tez qanady,sergek júresiń. Sosyn Shyńǵys hannyń otany Mońǵolııada boldym. Mońǵolııanyń halqy tek kıiz úıde turady dep oılaýshy edim. Sóıtsem, Ýlan-Batorda bıik ǵımarattar, záýlim úıleri kóp eken.

      -Koreıa ashanasy týraly qandaı pikirdesiz?

-Kóbine kókenistermen jasalatyn etsiz taǵam ishedi. Tapsyrys bergende neniń eti ekenin surap, anyqtap,baıqap júrý kerek.

      -Otanǵa oralý oıyńyzda bar ma?

-Árıne, "ózge elde sultan bolǵansha, óz elinde sultan bol" deıdi ǵoı. Qazaqstandy saǵyndym. Óz elińe jeteri joq eken. Buıyrsa, oqýymdy aıaqtaǵan soń Qazaqstanǵa qaıtyp baryp,jumys istegim keledi.

 

Suhbattasqan, Zarına IGENOVA.

«Adyrna» ulttyq portaly.

Pikirler