«Polıııadan úmit úzdik»: 6 jigitten zorlyq kórdim degen qyz Prezıdentten kómek surady

1539

Almaty oblysy Panfılov aýdanynda óz qatarlastarynan zorlyq kórdim degen qyz Ishki ister mınıstri men Prezıdentten kómek suraıdy, dep habarlaıdy «Adyrna» ulttyq portaly Azattyq Rýhy-na silteme jasap.

19 jastaǵy boıjetken osydan eki jyl buryn ózin 6 adamnyń zorlaǵanyn aıtady. Alaıda, eki jylǵa sozylǵan tergeý barysynda eshkim jaýapqa tartylmaǵan. 2019 jyldyń naýryz aıynan beri is birneshe ret qysqartylyp, qaıtadan óndiriske alynǵan. Almaty oblysynyń Polıııa departamenti, oblystyq prokýratýra mán-jaıdy bilgenimen, proessýaldyq sheshim qabyldanyp, is sotqa joldanbaǵan.

Jábirlenýshi men onyń aǵasy Ermek Smaıylov Almaty oblystyq Polıııa departamenti men Almaty oblysy Panfılov aýdandyq polıııa basqarmasynyń áreketine quzyrly organdardyń baǵa berýin suraıdy.

Al qyzdyń ákesi 2018-2019 jyldary aralyǵynda zorlyq birneshe ret bolǵanyn aıtady. 2019 jyly 9 naýryzda inisi mal qaraıyn dep qora jaqqa barǵanda, qan izderi men músheqaptardyń jatqanyn kórgen. Aqyrynda úıdegi 16 jastaǵy qyzdyń zábir kórgeni anyqtalady. 2018 jyldyń jeltoqsan aıy men 2019 jyldyń naýryz aıynda 11-synyp oqýshysyn birneshe adam qorqytý jáne bopsalaý arqyly zorlap kelgen eken.

«Qyzdyń ákesi sol kúni Panfılov aýdandyq polıııa bólimine baryp aryzdandy. Aryz jazǵan kúnnen soń, tergeý bóliminiń bastyǵy Aıdarhan Ábdirahmanov inimdi shaqyryp alyp, «Sen kimge jala jaýyp jatyrsyń, aryzyńdy al, áıtpese ózderiń sottalasyńdar» dep, inimdi qorqytady. Sosyn aýyldan sheshem habarlasqan soń, osy ispen men aınalysa bastadym. Aýylǵa barsam, qyzben mektep dırektorynyń orynbasary men psıholog sóılesip otyr eken. Aqyrynda maǵan qyzdy basqa jaqqa baryp oqytýdy surady. Al onyń mektep bitirýine 3 aı qalǵan, men qarsy boldym. Sodan ol suraq qaıtadan kóterilmedi. Bizdiń aýylda «aýyl aǵasy» degen bar, biz aýyldyń aqsaldaryn jınap, aýyl aǵasyn shaqyryp, kúdikti balalardyń ata-analaryn shaqyryp, sóılestik, aqyrynda kináli tarap qyzdy qaralaǵan soń, oń sheshim tappady. Oǵan deıin balalardyń ata-analary keshirim surap keldi. Biraq biz zańmen sheshilsin, otbasylyq abyroıymyzdy aqshamen ólshemeımiz dep usynǵan kómekterine qarsy boldyq», - deıdi jábirlenýshi qyzdyń týysy.

Ermek Smaıylov qoranyń aldynan tabylǵan aıǵaqtardy tergeýshiler iske tigip, jábirlenýshiniń aryzyn qabyldaǵanyn aıtady. Advokat jaldap, Turalına Aınur degen tergeýshi isti júrgizgen. Quqyq qorǵaýshylar saraptama taǵaıyndap, bir aıdan soń jaýaby keledi degende, qylmysty is Almaty oblystyq tergeý basqarmasyna jiberilipti.

«Bul bizge túsiniksiz boldy, nege oblys ortalyǵyna jibergeniniń sebebin túsindirgen joq. Biz onyń artynan Taldyqorǵanǵa bardyq, sol kúnnen bastap burmalaýshylyq bastalady. Almaty oblystyq tergeý basqarmasy basshysynyń orynbasary bizge eshqaıda aryzdanbaýdy surap, Naýryz meıramy ótken soń ózimiz kinálilerdi qamaımyz dedi. Sol kúni saǵat keshki toǵyz jarymda tergeý basqarmasy basshysynyń orynbasary Bolat Teńizbaev qyzdyń anasyna óz telefonynan habarlasyp, osyndaı ýáde bergen. Biz sendik. Almatydaǵy Kablýkov kóshesindegi aýrýhanada ekspertıza 1 aı emes, 4 aıdan soń daıyn boldy. Almaty oblysy Polıııa departamenti basshysy Murat Urymhanovtyń qabyldaýyna jazylyp, mán-jaıdy aıtqan soń, eki kúnnen keıin ǵana arnaıy tergeýshi taǵaıyndalyp, is Jarkentke jiberildi. Biraq tergeýshi Ernar Qaltaev osy kúnge deıin isti sońyna jetkizgen joq, eshkim qamalǵan da joq», - deıdi E.Ismaıylov.

Al jábirlenýshi ózin alǵash Meırambek esimdi qatarlasynyń zorlaǵanyn aıtyp otyr. Ekeýi dos bolǵan eken. 2018 jyldyń jeltoqsanynda úı syrtynda jigit qyzdy zorlap sheshindirip, aram oıyn júzege asyrǵan kórinedi. Al eger bolǵan jaıt týraly tis jaratyn bolsa, eldiń aldynda masqaralaımyn dep qorqytypty. Ol kezde ekeýiniń de jasy 16-da bolǵan.

«Meni abyroısyz etti, biraq ol týraly eshkimge aıtqan joqpyn. Ol WhatsApp arqyly taǵy shyǵýymdy surady, shyqpasam aýyldyń balalaryna meniń «jaman qyz» ekenimdi aıtamyn dep qorqytty. Sosyn maǵan ol aıtqandaı, óz erkimmen jynystyq qatynasqa tústi degen jazbalar kelip, aýylǵa tarady. Sodan soń qaıtyp habarlaspady. Úsh-tórt aıdan soń maǵan Qaırat esimdi bir bala jazyp, kezdesýge shaqyryp, mańyzdy bir aqparaty bar ekenin aıtty. Biraq men kezdesýden bas tarttym. Biraq úsh aı maǵan jazýmen boldy. Sosyn men úıdiń aýlasyna shyqtym. Alaıda, Qaırattyń qasynda Meırambek bar eken, ol ekeýi 2018 jyly jeltoqsan aıynyń basynda kelip, bizdiń úıdiń artyndaǵy qorada óz erkimnen tys taǵy da zorlady», - deıdi esimin atamaýdy suraǵan qyz.

Zorlyq osylaısha birneshe ret jalǵasqan. Bozbalalar ár kelgen saıyn qyzdy úıden qorqytyp shyǵaryp alyp otyrǵan eken. Ýaqyt óte olardyń qatary ózge jigittermen tolyǵyp kelgen.

«Sosyn eki-úsh kúnnen soń Qaırat pen Meırambek taǵy da keldi. Qaırat taǵy oıyn iske asyrdy, Meırambek isin istep jatqanda, úıden mamam shyǵyp qaldy. Meırambek qashyp ketti. Olar qorqytty. Sosyn Qaırat osy oqıǵadan soń atamnyń úıine barǵanymda taǵy bir beıtanys balany alyp keldi. Onyń aty Syrym bolatyn. Jasy 18-de. Olar da maǵan osyndaı zorlyq kórsetti», - deıdi jábirlenýshi.

Arym taptaldy degen boıjetken Prezıdent Qasym-Jomart Toqaevtan kómek surap otyr. Ol istiń 2 jyldan beri ádil sheshimin tappaı kele jatqanyn aıtyp, kinálilerdiń jazalanýyn talap etti.

Qyzdyń aǵasynyń aıtýynsha, osy iske barlyǵy 6 balanyń qatysy bar ekeni anyqtalǵan. Eń basty kúdikti – Meırambek esimdi jigitke qatysty is toqtatylǵan. Al ekspertıza qorytyndysyn quqyq qorǵaýshylar qyzdyń ózine de, týystaryna da bermepti. Tek Nur Otan partııasynan kómek suraǵannan keıin ǵana saraptama nátıjesi qyzdyń ata-anasyna berilgen. Alaıda, ekspertıza balalardyń paıdasyna sheshilgen.

«Meni 2019 jyly qarasha aıynda Taldyqorǵanǵa shaqyrdy. Sol jerde Ernar Qaltaev myrza «Sen mynalarǵa keshirim ber, 4 mln teńge aqsha berip otyr» dedi. Men aqshanyń kerek emesin aıtyp almadym. Aýyl aqsaqaldarynyń aldynda kinásin moıyndamaı, endi aqsha usynǵany baryp turǵan soraqylyq, bizdi el-jurttyń aldynda abyroısyz etti. Kináliler jazalansyn, talabymyz sol. Aýyl ishinde qazir áńgime júr, qyzymyzdy zorlaǵandar polıeılerge para bergen kórinedi, 3 mıllıon teńge. Bálkim sodan bolar, is ornynan esh qozǵalmaı qoıdy, «qyzdyń ózi kináli» degendi aıtyp otyr», - dep ashyndy boıjetkenniń aǵasy.

Polıeılerden úmitin úzgen ata-ana endi Prezıdentten kómek surap otyr. Sol úshin BAQ ókilderine keldik deıdi.

Azattyq Rýhy aqparat agenttigi bul is boıynsha Almaty oblystyq Polıııa departamentine saýal joldaǵan. Aımaqtyq departamenttiń baspasóz qyzmeti qylmystyq istiń toqtatylǵanyn málimdedi.

«Almaty oblysy Polıııa departamenti atalǵan derektiń QR Qylmystyq kodeksiniń 120-baby 3-bóligi boıynsha sotqa deıingi tergep-tekserýdiń biryńǵaı tiziliminde tirkelgenin habarlaıdy. Qylmystyq proeske qatysýshylardan jaýap alý, bettestirý, bes sot saraptamasy sekildi QR Qylmystyq is-júrgizý kodeksimen qarastyrylǵan jedel tergeý is-sharalarynyń kesheni ótkizildi, olardyń nátıjesi boıynsha zorlaý deregi rastalǵan joq. Qylmystyq is QR QIJK 35-b.1-b. 2-t. negizinde toqtatyldy. Qabyldanǵan sheshimmen Almaty oblysynyń prokýratýra organdary kelisti, tergeý kezinde zańbuzýshylyqtar bolǵan joq», - delingen Almaty oblystyq PD Baspasóz habarlamasynda.

«Adyrna» ulttyq portaly

Pikirler
Redakııa tańdaýy