Birneshe aıdan beri Belarýs elinde tynysh ómir joq. El prezıdenti Aleksandr Lýkashenkonyń ornynan ketýin talap etkenderdiń qatary azaımaı tur. Biraq qanshama beıbit ereýil jasalsa da, 26 jyldan beri taqta myzǵymaı otyrǵan Aleksandr Lýkashenko ádeıi ýaqytty sozyp keledi. Ketýge de qulyqty emes.
Halyqty aldarqatyp, ártúrli málimdemeler jasap otyrǵan «Eýropanyń sońǵy dıktatory» endi Konstıtýııalyq reformalar jasaýǵa kóshetinin aıtty. Alaıda ol reforma qalaı júzege asady, onda basty nazarǵa ne alynady? Konstıtýııa taǵy da taqqumar prezıdenttiń múddesin kózdeı me? Ol endi aldaǵy ýaqyttyń enshisine qalaıyn dep tur.
Áıtse de, kóptegen sarapshylar Lýkashenkonyń jasamaq bolyp otyrǵan Konstıtýııalyq reformalarynyń astarynda óz múddesin qorǵaý saıasaty jatqanyn bilip otyr. Keshe birqatar sarapshylar «aldaǵy ýaqytta basym ókilettilik Senat tóraǵasyna beriledi» dep boljam jasady. Al Prezıdenttiń ornyna qazirgi Senat tóraǵasy Natalıa Kochanova keledi de, onyń ornyn búgingi prezıdent Aleksandr Lýkashenko basady. Sóıtip, «Eýropanyń sońǵy dıktatory» basym ókilettilikke ıe bolyp, óz orny men barlyq quqyn saqtap qalady.
26 jyl taqta myzǵymaı otyrǵan adamǵa bılikti bere salý ońaı deımisiń...
Erkin QALDAN,
«Adyrna» ulttyq portaly.
