AQSh-taǵy qazirgi qyzý talqylanyp jatqan taqyryp - Qorǵanys mınıstrliginen bastap barlyq mınıstrlikterge jasalǵan kıbershabýyl. Ony bir jeke mekeme kezdeısoq baıqap qalǵan da tekserip bastaǵan, sóıtse... hakerler úkimettiń barlyq jelilerine erkin kirip saıran salyp júrgeniniń ústinen túsken.
Osy kezge sheıin hakerlerdiń qashan kirgeni, qanshama ınformaııany kóshirip alǵany, qanshalyqty shyǵyn keltirgeni belgisiz, biraq áıteýir orasan zor zııan kelgeni aıtylýda. Negizgi kúdik - RF hakerleriniń isi dep baǵalanýda. Onyń zardaptaryn joıý birneshe aılarǵa, tipti jyldarǵa sozylýy múmkin.
Ádettegideı Tramp Reseıge shań jýytatyn emes: ony qaıdan bilesińder, múmkin Qytaı shyǵar dep týıtterde jazbany burqyratyp jatqan kórinedi.
Baıdenniń reakııasy múldem kerisinshe - ol resmı málimdeme jasap, men kıberqaýipsizdikti úkimet jumysynyń basty prıorıtetteriniń biri etemin. Kıbershabýyl jasaǵandardy kim bolsa da ornyna qoıamyn, bizdiń qarsylastarymyz muny bilip qoısyn dedi.
Senator demokrat Dık Dýrbın: "Bul kıbershabýyl - Reseıdiń is júzinde bizge soǵys jarııalaýy" - dep málimdedi. Tramp jaǵynan tek mem.hatshy Maık Pompeo ǵana, barlyq BAQ-tarda jazylǵannan keıin bes kún ótkende: "Bul óte úlken kólemdegi kıbershabýyl. Biz endi bul Reseıdiń isi dep naqty aıta alamyz. Kóp málimetter qupııa bolǵandyqtan budan ári eshteńe aıta almaımyn" - dedi. Respýblıkashyl senator, Trampty alǵashqy saılanǵan kúnnen bastap qoldap kele jatqan Marko Rýbıo da: "Bul RF-nyń eń iri shabýyly. Bizdiń jaýabymyz proporıonaldy jáne odan asyp túsýi kerek" - dep málimdedi. Tek Tramptyń ózi ǵana týıtterde: "Qıt etse Reseıdi kinálaı jónelýdi qoıý kerek. Bizdiń daýys berý kompıýterlerimiz kúlkili jaǵdaıda, olar Baıdenge daýys berýge programmalanǵan. Meniń iri eseppen utqanym belgili, biraq korrýpııalyq bylyqqa batqan AQSh ony moıyndaǵysy kelmeıdi" - dep jazdy keshe.
