Almaty qalasynyń ýchaskelik ınspektorlary kópbalaly otbasyny órtten qutqaryp qaldy, dep habarlaıdy «Adyrna» tilshisi Almaty qalasynyń Polıııa departamentine silteme jasap.
«Men áriptesim, polıııa aǵa leıtenanty Samat Nurovpen tańerteń jumysqa bara jattym. Jansúgirova kóshesiniń boıymen kele jatyp, jeke sektordan shyqqan tútin bulttaryn kórdik. Keri qaraı burylyp, 657 úıge júgirdik. Monsha órtenip jatyr eken, órt úıge qaraı tarap úlgergen. Ishinde adamdar boldy. Qatty uıyqtap jatqandyqtan, otty sezbedi. Olardy úıden tereze arqyly alyp shyǵa bastadyq. Aldymen balalardy, sodan keıin eresekterge kómektestik. Otaǵasy arǵy bólmeden ájeni shyǵardy, biz ony tereze aldynda kútip aldyq. Sonymen qatar, kómekti de shaqyrdyq. Patrýldik ekıpaj kelip, jaqyn mańdaǵy úılerdiń turǵyndaryn evakýaııalaı bastady. Órttiń bir-birine jaqyn ornalasqan basqa turǵyn úılerge taralý qaýpi boldy. Qudaıǵa shúkir, eshkim zardap shekken joq », - dedi Túrksib aýdandyq polıııa Basqarmasynyń ýchaskelik ınspektory, polıııa leıtenanty Jaınat Moldaǵalı.
Óz kezeginde kópbalaly ana da polıeılerge alǵysyn bildirdi.
«Men polıııaǵa óte rızamyn. Eger olar bolmasa, biz bárimiz, búkil otbasy órtenip keter edik. Janymyzdan ótip ketpeı bizge kómekteskenderińiz úshin kóp rahmet », - dedi ol.
Aıta keteıik, qazirgi tańda mamandar órt sebebin anyqtaýda.
«Adyrna» ulttyq portaly
