Aıtysker aqyn, f.ǵ.k. Balǵynbek Imashev "Salmaqty suhbat" halyqaralyq onlaın stýdııasynyń qonaǵy boldy.
"Salmaqty suhbattyń" moderatory, "Qazaqstannyń 100 jańa esimi" jobasynyń jeńimpazy, "Lıngvıstıka" mamandyǵy boıynsha fılosofııa doktory (PhD) Qýanysh Jumabekuly Balǵynbek Imashevqa tómendegideı suraqtar qoıdy:
1) Sizdińshe, ultshyldyq degenimiz ne?
2) Imanǵalı Tasmaǵambetov bir suhbatynda
«Ókinishti-aq, biraq til máselesi biz úshin óziniń ózektiligin áli joıǵan joq. Janashyrlyq eń birinshi bılikten bastaý alý kerek. Másele sonda. Bılik qaı tilde sóılese – halyq ta sol tilde sóıleıdi», – degen bolatyn.
Bıliktiń qazaqsha ǵana sóıleýine ne kedergi dep oılaısyz?
3) Qazaqstan qazir monoultty memleket. Alaıda bul jerdiń avtohton etnosy sanalatyn qazaqtar parallel eki tildi álemde ómir súrip jatyr. Sondyqtan birtutas ult bolyp otyr dep aıtý qıyndaý.
Orystildi mektepter men aralas mektepterdegi oqýshylardyń basym bóligi qazaqtar ekeni belgili.
Qazaq balalarynyń qazaq tilinde bilim alýy boıynsha saıası sheshim qabyldaıtyn ýaqyt keldi me, álde taǵy da kúte turǵanymyz durys pa?
Tolyq suhbatty tómendegi siltemeden kóre alasyzdar!
