Óz basym bizdiń qoǵam adamzattyq deńgeıdegi máselelerdi sheshýge, álemdik damýǵa at salysatyn masshtabtaǵy dúnıelerdi jasaýǵa daıyn emes dep oılaımyn. Biz óz ishimizdegi usaq-túıek áńgimelermen basy da, ýaqyty da bos emes elmiz. Anaý satqyn, mynaý jaý, ol kezinde úıtip qoıǵan, bul súıtip qoıǵan degen taqyryptar bizge jaqyndaý. Dál qazir solaı...
Bizge osynyń bárinen táýelsizdik alý kerek. Sana táýelsizdigi. Oı-pikir adamzattyń damý tarıhyn jazatyndaı masshtabqa kóterilgeni durys. Aınalamyzdaǵy elderde ne bolyp jatyr, olar qalaı ósti, óndi, damydy degen suraqtardy ózimizge de qoıý qajet.
Qytaı 2030 jyly jasandy ıntellekt boıynsha álemde birinshi orynǵa shyqpaqshy. Osy saladaǵy tabystyń 60% Qytaıdyń úlesine tıedi dep boljanýda. Ol degen sóz ekonomıka, áskerı kúsh, tehnologııa boıynsha álemdi bıleıdi. Onyń irgesindegi biz kim bolamyz?..
Keshe Reseı prezıdenti Ulttyq qorynyń 580 mlrd dollarǵa deıin artqanyn atap ótti. Zamanaýı qarýlardyń jańa túrlerin jasap jatqanyn da jetkizdi. Reseıdiń de óz damý joly bar. Ásker men flot, soǵys memlekettiń irgesin ustap tur. Ózderi de moıyndaıdy. Tehnologııasy álemde birinshi bolmaýy múmkin, biraq bizden joǵary.
Túrki áleminde Túrkııa kósh ilgeri ketti. Baıraktar, Aksýngýr atty bespılotnıkterin tolyq ózi shyǵarýdy kózdep otyr. 2023 jyly elektr kólikterin, keıin ushqyshsyz basqarylatyn ushaq, tikushaq shyǵarýdy iske asyrmaqshy.
Izraıl eki qulaqtyń ortasyndaǵy aqyldyń kúshimen damyǵan memleket. Karabahtaǵy soǵysta "Harob" drondarynyń effektıvtiligin kórdik. Medıınasy alda.
Tizimdi jalǵastyra berýge bolady ǵoı...
Bizdiń úkimet te tehnokrattyq sanaǵa eldi burýy tıis. Joǵaryda atalǵan elderdiń barlyǵynda memlekettik qoldaýdyń arqasynda ǵana jastary, ǵalymdary tehnokrattyq tóńkeris jasaýda. Memlekettik, Qazaqstandyq múdde turǵysynan bul bizge de qajet. Ýaqyty ótip barady. Kesh qımyldaýdamyz. Halyqtyń oıyn, jastardyń múmkindigin, ulttyń passıonarlyq kúshin osy salaǵa burýǵa tıispiz. Investıııa, qarjy osy salaǵa quıylýy kerek.
Qazirgi Reseıdiń depýtattary aıtqan bir sózden shýlap otyrǵanymyz bizdiń deńgeı emes. Bulaı jalǵasa berýi de úlken syn! "Kelseń kel. Qazaqqa tıseń ózińe de ońaı bolmaıdy" degen tehnologııalyq kúsh, ekonomıkalyq ósim, memlekettik múdde jolynda tolysqan qoǵamdyq sana bolýy kerek bizde. Qazaq usaq-túıek daýdan bas kótere almaı qalǵan. Bul jaqsy emes. Bul joldan ketý kerek. Kerisinshe ulttyń kúshin memlekettik múdde úshin tıimdi tehnokarttyq baǵytqa burý qajet. Effektıvti jol osy. Bizdiń zamanymyz, adamzattyń damýy osy baǵytta ózgerip jatyr. Muny isteý kerek. Isteı almasa isteıtinderge joldy berý qajet. Kóp qoı qazaqta talantty jastar. Qazirgimiz bolmaıdy.
