AQSh-tyń memlekettik hatshysy Maık Pompeo Reseı Amerıkanyń dushpandary tiziminde ekenin aıtty dep habarlaıdy "Adyrna" ulttyq portaly Newsroom+aqparat saıtyna silteme jasap.
«Menen árdaıym bizdiń jaýymyz kim dep suraıdy jáne buǵan jaýabym: ómir saltymyzǵa, respýblıkamyzǵa, negizgi demokratııalyq qaǵıdalarǵa nuqsan keltirgisi keletinder kóp. Reseı sózsiz osy tizimde», – dedi Pompeo óz suhbatynda.Ádette AQSh-tyń resmı ókilderi Reseıdi jaý emes, qarsylas dep ataıdy. Pompeonyń ózi osy aptanyń basynda Vashıngtonnyń Máskeýge degen kózqarasy týraly aıtqan kezde «básekelestik» tujyrymdamasyn qoldandy. Memlekettik hatshy AQSh-tyń buqaralyq aqparat quraldaryndaǵy Reseıdiń sońǵy kıbershabýyldarǵa qatysy bar degen aqparatty eske túsirdi.
«Biz mundaı jaǵdaıdy óte uzaq ýaqyttan beri baıqap kelemiz. Asımmetrııalyq potenıaldy paıdalanyp, olar AQSh-ty aqy tóleýge aparatyn jaǵdaıǵa jetkizýge tyrysady», – dep qosty Pompeo.
Ol sonymen birge Reseı basshylyǵy «bostandyqty súıetin adamdar úshin naqty qaýip» ekenin aıtty. Sonymen qatar, Pompeo Reseıden keletin qaýiptiń az emes ekenin aıta kele, Qytaıdy da AQSh-qa qaýip tóndirip turǵan elder qataryna qosty.
