Búgin Alataý aýdanynyń ákimdigi qaza tapqan jeltoqsandyqtardyń rýhyna arnap as berip, quran oqytty. Sharaǵa jeltoqsandyqtarmen qatar, batyr ana, jeltoqsan qurbany Lázzat Asanovanyń anasy Altynaı Asanova qatysty. Shara barysynda jeltoqsandyqtar memleket tarapynan 150 000 teńgelik kómektiń berilgenin jarysa aıtysyp jatty. Alaıda ár jyl saıyn 16 jeltoqsanda beriletin qarjy osy joly da Altynaı apamyzǵa buıyrmapty. «Altynaı apamyzǵa qarjy nege berilmeıdi?» degen suraqqa «Aqıqat» jeltoqsanshylar uıymynyń Alataý aýdanyndaǵy tóraǵasy Eraly MÁMBETBAEV tómendegideı jaýap berdi.
–Qazir Almaty boıynsha jeltoqsandyqtardyń 12 uıymy bar. Ókinishke qaraı, uıym-uıymǵa bólinip, bastarymyz áli de birikpeýde. Syı-aqyny aqtalǵandar ǵana aldy. Almaty qalasy boıynsha shamamen 300-deı jeltoqsandyq 150 000 teńge qarjyǵa ıe boldy. Altynaı apamyzǵa ǵana berilmeı jatqan qarjy keleshekte sheshiledi dep oılaımyn. Óz basym osy máseleni endi kótersem dep júrmin.
Árıne, 150 000 myńnyń soıylyn soǵý bylaı tursyn, Alataý aýdany ákimdigi uıymdastyrǵan sharada da Altynaı apamyzdy bir paraq maqtaý qaǵazymen shyǵaryp salǵany kóńilge kirbiń uıalatady eken. Eh, bundaıda «ózgeni jarylqaýda sheber, óz jaqsysyn úkileı bilmeıtin qazaǵym-aı» deýden basqa amal joq sekildi...
Aqgúl AIDARBEKQYZY,
«Adyrna» ulttyq portaly
