Aqtöbe oblysynda äleumettık az qamtylǧan azamattardy tūrǧyn üimen qamtamasyz etudıŋ tiımdı şaralary qabyldanuda.
Biyl 1 jeltoqsanan üi kezegınde tūrǧandarǧa "Qarǧaly" tūrǧyn üi alabynan №19 jäne №35 üilerden kezeŋ-kezeŋmen baspana berıle bastady. Päterdı 2006 jyldan berı öz kezegın kütıp jürgen Aqtöbe qalasynyŋ tūrǧyndary aldy.
Täuelsızdık künı qarsaŋynda oblys äkımı Oŋdasyn Orazalin 30 otbasyǧa baspana kıltın tabystady. Jaŋa qonys ielerınıŋ qatarynda ŪOS qatysuşysyna teŋestırılgen tūlǧalar, tolyq emes otbasylar, mümkındıgı şekteulı bala tärbielep otyrǧan janūialar, 1, 2 top mügedekterı, jetım balalar bar. Olar Nūr Aqtöbe şaǧyn audanyndaǧy toǧyz qabatty üiden bır, ekı, üş bölmelı päterge ie boldy.
"Memleket basşysynyŋ syndarly saiasatynyŋ arqasynda el ekonomikasy qarqyndy damyp, halyqtyŋ tūrmys sapasyn arttyru jönındegı saiasaty qarqyndy ıske asyryluda. Oblys ortalyǧynyŋ özınde 24 myŋnan astam adam üi kezegınde tūr, olardyŋ baspanaly boluy üşın köp qabatty üilerdı salu jūmystary belsendı jürgızılude",- dedı Oŋdasyn Orazalin.
Jaŋadan tapsyrylǧan üide mümkındıgı şekteulı azamattardyŋ yŋǧaily kırıp-şyǧuyna jaǧdai jasalǧan. Mäselen, kıre berıs jerge elektrondy kötergışter ornatylǧan.
Käsıpker, "Pandus Ok" JŞS basşysy Şahan Joldasbaev kötergışterdıŋ qalai jūmys jasaityndyǧymen tanystyrdy.
Aita keteiık, biyl kezekte tūrǧan 782 adamǧa jaldamaly-kommunaldyq päterler ūsynu josparlanyp otyr. Olardyŋ ışınde 252 otbasy jaŋa qonys toiyn toilady.
"Baqytty otbasy"-"2-10-20" baǧdarlamasy aiasynda 3 mlrd teŋgege 302 ötınış maqūldandy. «Şaŋyraq» - «5-10-20» baǧdarlamasy aiasynda 278 otbasyǧa jalpy somasy 2,38 mlrd teŋgege nesie berıldı.
Aǧymdaǧy jyldyŋ 17 tamyzynan berı "Şaŋyraq" pilottyq baǧdarlamasy jūmys jasaidy. Osy baǧdarlama jüzege asyrylǧannan bastap 1,4 mlrd teŋgege 148 qaryz berıldı.
