Bilimsiz bolashaq bulyńǵyr

2233
Adyrna.kz Telegram

Almatyda Qazaqstan Halyq partııasynyń ókilderi qaladaǵy orta mektepterdiń, sondaı-aq kolledjder men joǵary oqý oryndarynyń pedagogtarymen jáne oqytýshylarymen kezdesti. Dóńgelek ústel «Táýelsizdik. Memleket. Áleýet.» taqyrybynda ótti. Qatyýshylar sapaly joǵary bilim bolmasa, eldi bolashaǵy bulyńǵyr ekenine kóz jetkizdi.

QHP ókilderiniń pikirinshe, Qazaqstandaǵy bilim berýdiń negizgi problemasy – onyń qoljetimsizdigi. Teorııalyq turǵydan alǵanda bizdiń elde barlyǵyna tegin orta bilimge kepildik berilgen. Alaıda keı jerlerde sapaly bilim tek elıta ókilderine ǵana arnalǵandaı. 

– Meıli ol qalada nemese aýylda tursyn, ár bala, mekteptiń ár túlegi ózderi qalaǵan bilimge qol jetkizýi kerek, – dedi QHP Almaty qalalyq fılıalynyń jetekshisi Álibek Shapenov. 

Ókinishke qaraı, qazir Qazaqstandaǵy bilim eń daryndy balalarǵa emes, daıyndyǵy joǵary balalarǵa baǵyttalǵan. Iaǵnı, ata-analary repetıtorlarǵa aqsha aıamaǵan balalarǵa ǵana arnalǵandaı. Nazarbaev Zııatkerlik mektepteri oqýshylarǵa dál osy qaǵıdat boıynsha tańdaý jasaıdy.

– NZM-da bilim alý daryndy balalardyń bárine qoljetimdi bolýy kerek. Ondaǵy bilim de salyq tóleýshiler esebinen júzege asyrylýda. Mundaı mektepterge qabyldaý basqa krıterııler boıynsha júrgizilýi kerek! – dedi QHP ókili. 

NZM oqýshysy ataný úshin jas úmitkerler belgili bir emtıhandardan ótýi kerek. Olar tek talant pen qabiletterdi emes, oqylǵan, úırengen  materıaldyń kólemin ǵana eskeredi. Iaǵnı, asa bir jaqsy baǵasy joq, biraq óte daryndy balalardyń joly ashylmaı qalady. 

– Eger ata-ananyń muǵalimderdi jaldaýǵa múmkindigi bolmasa, eger ol qandaı-da bir pán oqytylmaıtyn aýyldyq mektepte oqıtyn bolsa, onda mundaı balanyń danyshpan bolsa da, NZM-ge túsýge múmkindigi joq. Mundaı qadam memlekettiń damýyna sózsiz keri áser etedi. Árbir bala jaqsy, sapaly bilim alýǵa quqyly! – dedi Álibek Shapenov. 

Túptep kelgende tıisti mamandar daıarlanyp jatqandaı. Biraq nátıje joq. Demek, mundaı tásil eldiń bolashaǵyna, ulttyq qaýipsizdikke qaýip tóndiredi.

– Joǵary oqý oryndarynyń sapasyz kadrlar shoǵyryn qalyptastyryp otyrǵany da sondyqtan, – deıdi ol.

QHP jaǵdaıdy jaqsartý úshin ne usynyp otyr? Eń aldymen bilim berýdi sapaly, tegin jáne el halqynyń barlyq sanattary úshin qoljetimdi etý kerek.

– Bilim berý – memlekettiń júıe quraýshy ınstıtýty. Sapaly jáne qoljetimdi bilimge ınvestıııa quıý – bul Qazaqstannyń adamı kapıtalyna quıylǵan ınvestıııa, – deıdi partııalyqtar.

Pikirler