Pavlodarlyq alaıaq azamattardyń 15 mln. teńgesin zańsyz ıemdengen. Onyń zańsyz áreketteriniń saldarynan elimizdiń túkpir-túkpirinen 200-den astam adam zardap shekken, – dep habarlaıdy «Adyrna» Polisia.kz-ke silteme jasap.
Jalǵan kásipker azamattardy ınternet-saıttarda avtobólshekterdi naryqtyq baǵadan tómen baǵamen satý týraly habarlandyrý ornalastyrý arqyly aldaǵan. Tapsyrystardy qabyldaı otyryp, ol taýar úshin tolyq somany aldyn ala nemese ishinara bank kartasyna aýdarýdy talap etip, al tapsyrystardy kýrerlik qyzmet arqyly jiberýge ýáde bergen. Tólemdi alǵannan keıin alaıaq tapsyrys berýshilerdi biraz ýaqyt boıy kýrerlik qyzmettiń nashar uıymdastyrylýyna baılanysty jetkizýdiń keshigip jatqany týraly aldap, ýaqyt sozyp, sodan keıin uıaly telefonyn tolyǵymen óshirip tastaǵan.
Qazirgi tańda atalǵan alaıaqtyq faktileri boıynsha Qazaqstan Respýblıkasy Qylmystyq kodeksiniń 190-baby (Alaıaqtyq) boıynsha sotqa deıingi tergeý júrgizilýde.
«Adyrna» ulttyq portaly
