«18 mıllıon halqy bar el úshin zańgerlerdi nege 70-ten astam joǵary oqý orny daıarlaıdy? Sapaly maman daıarlaýǵa 5-6 joǵary oqý orny jetkilikti, tipti odan da az ýnıversıtet qajet ekenine senimdimin, solardyń biri - KAZGUU. 2018 jylǵy 5 shildede «Advokattyq qyzmet jáne zań kómegi týraly» QR Zańy qabyldandy. Eger sol kezde Qazaqstanda advokattardyń sany bar bolǵany 4,5 myń adamdy qurasa, zań fırmalary, jeke praktıkamen aınalysatyn jáne korporatıvtik zańgerler sany 10 myńdy qurady. Sondyqtan zańger mamandyǵy naryqta retteýdi qajet etedi», - deıdi «Kazakhstan Bar Association» Zań konsýltanttary palatasynyń Tóraǵasy Jumageldi Elýbaev «Zań bilimi jáne ǵylym: zamanaýı máseleler jáne jetildirý perspektıvalary» atty halyqaralyq konferenııada. Onyń aıtýynsha, Táýelsizdik alǵaly 30 jyly ishinde 400 myń zańger dıplom alǵan, al jyl saıyn elimizde 10 myńǵa jýyq zańger daıarlanady.
Zańgerlerdi baǵalaý jáne sertıfıkattaý bıýrosynyń jetekshisi Jannetta Kalıshevanyń aıtýynsha, JOO túlegi jumys berýshiniń talabyna saı bolýy kerek. Jumys berýshi, kásibı qoǵamdastyq jáne ýnıversıtet arasyndaǵy yntymaqtastyq oń nátıje beredi, zańger mamandyǵy boıynsha kásiptik standarttar ádistemesin pysyqtaıdy.
«Zańgerler kásibı qaýymdastyqtarmen sertıfıkattalýy tıis, al joǵary oqý oryndary palatalardan akkredıtaııadan ótýi kerek. Zań biliminiń standarttaryn kásibı qoǵamdastyqtar ázirleýi qajet. Sondaı-aq biliktiliktiń biryńǵaı talaptary degen (bilimge, biliktilikke, daǵdylarǵa, quzyretterge) bolady, alaıda «Zańger» mamandyǵy boıynsha biryńǵaı talap joq»,- dep málimdedi ol konferenııada.
Atalǵan sharaǵa QR Ádilet mınıstri Marat Beketaev, QR Bilim jáne ǵylym vıe-mınıstri Mıras Dáýlenov, otandyq kórnekti zańger-ǵalymdar M.Sh. Qoǵamov, S.F. Ýdarev, K.V. Kım, S.P. Morozov, G.A. Alıhanova, sondaı-aq Qazaqstan, Reseı, Germanııa jáne Ýkraınanyń birqatar joǵary oqý oryndary men kásibı qoǵamdastyqtarynyń ókilderi qatysty.
M.S. Nárikbaev atyndaǵy KAZGIýÝ Ýnıversıtetiniń
Baspasóz qyzmeti
8707-75-75-02
