«Elimizge bilimsiz etnıkalyq mıgranttar kelýde»,- deıdi Áshimbaev

6776
Adyrna.kz Telegram

Reseı úkimeti Qazaqstannan, Belorýssııadan, Moldovadan nemese Ýkraınadan kóship kelgender úshin azamattyq alý rásimin aıtarlyqtaı jeńildetýdi josparlap otyr.Azamattyq alýdy barynsha jeńildetken kórshimizge endigi jerde óz qandastarymyz údere kóship ketpeı me degen qaýip te joq emes. Osy máselege baılanysty StanRadar.com tilshisi qazaqstandyq saıasattanýshy Danııar Áshimbaevpen suhbattasypty dep habarlaıdy «Adyrna» ulttyq portaly.

Memlekettik Dýmanyń qaraýyna engizilgen jańa zań jobasynda azamattyq alý úshin Reseıde bes jyl bolý týraly talapty alyp tastaý usynylady. Sonymen qatar, muqabada eki basy bar búrkiti bar pasportqa úmitkerler ózderiniń qarjylyq jaǵdaıyn dáleldeýdiń qajeti joq jáne joǵaryda atalǵan elderdiń biriniń azamatynyń pasportynan bas tartýdyń qajeti joq.

Bul ózgerister orys tildi azamattardyń Qazaqstannan odan da kóp ketýine ákelip soqtyrmaı ma jáne olar Nur-sultan men Máskeý arasyndaǵy qarym-qatynasty buzbaı ma degen tilshiniń suraǵyna saıasattanýshy: «Jappaı kóshi-qon kezeńi baıaǵyda aıaqtalǵan. Kim ketkisi kelse, ol 90-shy jyldary ketip qaldy. Qazaqstanda turatyn orta jastaǵy ókilder bul jerge jaqsy beıimdelgen. Al ózin memlekettik qyzmette de, iri bızneste de kórmeıtin jastar, onyń ishinde etnostyq qatystylyǵyna baılanysty adamdar basqa elderge ketýi múmkin»,-dep jaýap bergen.

Sonymen qatar saıasattanýshynyń paıymynsha Qazaqstanda ınjenerlik nemese jaratylystaný-ǵylym salasynda bilim alýdyń qıyndaı túsýi de jastardyń jappaı shetelge bilim izdep ketýine túrtki eken. Bilim reıtıngi boıynsha tómengi orynǵa jaıǵasqan elimizde bilimsiz qalý qaýpi de basym ekenin alǵa tartqan Áshimbaev Reseıge qaraı jastardyń bilim alýǵa aǵylatynyn zańdy qubylys sanaıdy. Al oqýǵa ketkender sol elde qalyp ketýi bek múmkin.

«Jastardyń elden ketýiniń bir sebebi bilim salasyndaǵy reformalardan jáne áleýmettik máselelerge tikeleı baılanysty. Osydan keıin, árıne Reseıge ketkender elge qaıtqysy kelmeıdi. Bul Reseıdiń emes, Qazaqstannyń kinási. Soǵan qaramastan mıgraııa máselesi bizde jaman emes. Desek te, Qazaqstanǵa eshkim jetiskennen kelmeıdi. Elimizde negizinen etnıkalyq mıgraııa basym. Al bul adamdar kóbinese orta bilimdi adamdar. Osydan keıin tepe-teńdik buzylady, bolashaǵy bar, bilimdi jastarymyz ketýde, bilimsiz, tájirıbesiz, memleket esebinen óziniń materıaldyq máselesin sheshýdi kózdegen etnıkalyq mıgranttar kóptep kelýde. Rasyn aıtsaq, Qazaqstan ómir súrýge asa qolaıly emes elge aınalyp barady»,-deıdi saıasattanýshy óz suhbatynda.

Orys tilinen aýdaryp,

daıyndaǵan Raýana DIMAShQYZY.

Foto ashyq derekkózden alyndy.

Pikirler