Týrızmdi qaıtsek damytamyz?

2163
Adyrna.kz Telegram

Nur-Sultan qalasynda týrızmdi damytý boıynsha dástúrli konsýltatıvtik keńes ótti. KAZGUU Joǵary gýmanıtarlyq mektebi jumys berýshilermen birlesip «Týrızm» jáne «Qonaqjaılylyq» boıynsha bilim berý baǵdarlamalaryn  talqylady dep habarlaıdy «Adyrna» ulttyq portaly ýnıversıtettiń baspasóz qyzmetine silteme jasap.

Jumys berýshilerdiń pikirinshe, týrızm salasynda oqyp jatqan stýdenttiń kásibı damýy óndiristik praktıka kezinde shyńdalady. Sondyqtan tájirıbeden ótý ýaqytyn 30%-ǵa deıin arttyrý usynyldy. Jıynda túlekterdiń ıfrlyq daǵdylaryn Digital marketing jáne It in Hospitality sııaqty kýrstar arqyly kúsheıtý de usynyldy.

«Kazakh Tourism» Basqarma tóraǵasynyń orynbasary Qaırat Sádýaqasov pen Nur-Sultan qalasy ákimdiginiń «Balalar men jasóspirimder týrızmi jáne ólketaný ortalyǵy»  dırektory Mels Abenov gıd-ekskýrsovodtar, gıd-aýdarmashylar jáne gıd-nusqaýshylar boıynsha ishki sertıfıkattaý júıesin engizý qajettigin atap ótti.

Konsýltatıvtik keńestiń qonaqtary men músheleriniń arasynda "Eýrazııalyq týrızm qaýymdastyǵy" prezıdenti Rysty Qarabaeva, "AstanaInvest" týrızmdi damytý departamentiniń dırektory Damır Shametov, "Hilton-Astana" qonaq úıiniń bas menedjeri Shtefan Raıter, sondaı-aq "Sheraton", "Wyndham Garden Astana", "Radisson Astana" qonaq úıleri men elimizdiń ózge de týrıstik kompanııalarynyń ókilderi boldy.

Kezdesýge qatysýshylar Dark tourism-niń damý áleýetin erekshe atap ótti. Qatysýshylar týrızmniń mundaı  zamanaýı túrleri tarıhqa  qyzyǵýshylyq tanytatyn týrısterdi tartady deıdi. Stýdentterdi de osyndaı jańashyl týrıstik ónimderdi jasaýǵa beıimdeý qajet degen pikir aıtty.

«Búgingi tańda pandemııaǵa baılanysty týrızm jáne qonaqjaılylyq ındýstrııasy úlken shyǵynǵa ushyrap otyr. Soǵan qaramastan, bul salada jańa suranystar paıda bolýda. Ýnıversıtetter eńbek naryǵynyń suranysy saı zamanaýı trendterdi ustanýy kerek», - dedi «Týrızm» jáne «Qonaqjaılylyq» bilim berý baǵdarlamalarynyń jetekshisi Raýshan Muhamedjanova.

Pikirler