Din men dástúr

4840
Adyrna.kz Telegram

Qazaqstan Respýblıkasynda dinı ekstremızm men terrorızmniń aldyn alý, Qazaqstan halqynyń dástúrleri men mádenı qundylyqtaryna sáıkes sanany qalyptastyrý maqsatynda «Social Development Center» qoǵamdyq qory Almaty qalasy prokýratýrasynyń qoldaýymen«Din men dástúr» áleýmettik jobasyn júzege asyrdy.

Jobanyń negizgi maqsaty – qazaq halqynyń dástúrleri, tarıhı jáne mádenı qundylyqtaryn nasıhattaý jáne dástúrli rýhanııat negizderiniń destrýktıvti aǵymdar ıdeıalarymen ózara úılespeıtindigin túsindirý bolyp tabylady. Búgingi tańda dúnıejúzilik epıdemııalyq jaǵdaılarǵa baılanysty jobynanyń ótilýi onlaın formatta iske asty. Is-sharaǵa belgili teolog mamandar, ıslamtanýshylar, dintanýshylar, elimizge tanymal birshama dinı ókilder at salysty. Onyń ishinde JOO-y men kolledj stýdentterine arnalǵan 20 onlaın dáris sabaqtary ZOOM áleýmettik qosymshasy arqyly, din ókilderiniń Instagram áleýmettik paraqshalarynda 15 tikeleı efır uıymdastyryldy. Dárister men tikeleı efırlerdi din salasyndaǵy atap ótkende Ál-Farabı atyndaǵy Qazaq ulttyq ýnıversıtetiniń oqytýshysy, dintaný ǵylymdarynyń PhD doktory Baǵasharov Qudaıberdi Sabyrjanuly, Nur-Múbarak Egıpet Islam mádenıeti ýnıversıtetiniń aǵa oqytýshysy, «Aqnıet» aqparattyq-nasıhattaý jáne ońaltý ortalyǵynyń teology Stambakıev Nurjan Jaqsylyquly, QR BǴM ǴK Fılosofııa, saıasattaný jáne dintaný ınstıtýtynyń jetekshi ǵylymı qyzmetkeri, PhD doktoryShaǵyrbaı Almasbek Dúısenbekuly syndy t.b. bilikti mamandar júrgizdi. Sonymen qatar, «Taunews», «NUR.KZ»  jańalyqtar portaldarynyń Instagram paraqshalarynda eki tikeleı efır ótkizildi. Suhbat Qazaqstan Musylmandary Dinı Basqarmasy tóraǵasynyń orynbasary, QMDB naıb múftıi Ońǵarov Ershat Aǵybaıuly jáne QMDB Ǵulamalar keńesiniń múshesi, «Tóle Bı» meshitiniń bas ımamy Ersin Ámiremen júrgizildi.  Suqbat barysynda din men dástúrdiń sabaqtastyǵy, salt-sana men dinı tanymnyń ózara baılanysy, ıslam dininde shańyraq qurý máselesimen qazaq  halqyndaǵy jeti ataǵa deıin qyz alyspaǵan syndy taqyryptarda áńgime qozǵaldy. «Dinı bilimdi shet elde alýdyń qaýpi bar ma?»,  «Terrorlyq uıymdar zańsyz medreseler arqyly qalaı áreket etedi?» degen mańyzdy suraqtarǵa jaýap berildi. Qazirgi tańdaǵy destrýktıvti dinı aǵymdardy ustanýshylar ulttyq salt-dástúrlerdi joqqa shyǵarýy mysaly, jeti shelpek pisirý, kelinniń sálem salýy, shashý degen sııaqty dúnıelerdiń tájirbıede kezdesip jatqandyǵynda tilge tıek etti. Qazaq halqynyń mádenıet dástúrin nasıhattaýmen qatar, din salasyndaǵy memlekettik saıasattyń negizgi aspektileri túsindirildi. Joba aıasynda Almaty qalasy dinı jastarynyń shamamen 70 000-nan astam ókilin qamtydy.

Bul joba ekstremızm men terrorızm qaýip-qaterleriniń aldyn-alý salasyndaǵy ózekti máselelerdi sheshýdiń normatıvtik jáne uıymdastyrýshylyq negizi bolyp tabylatyn Qazaqstan Respýblıkasynda dinı ekstremızm men terrorızmge qarsy is-qımyl jónindegi 2018-2022 jyldarǵa arnalǵan memlekettik baǵdarlama aıasynda júzege asyrylyp otyr.

Pikirler