Nur-Sultan qalasyndaǵy Astana hub kesheninde «Zerdeli» aqyl-oı damytý ortalyǵynyń uıymdastyrýymen VI kezekti «Altyn saqa» matematıkalyq olımpıadasy ótip jatyr.
Dástúrli olımpıada «Astana daryny» daryndylyqty damytý jáne psıhlogııalyq súıemeldeý ortalyǵymen birlesip ótkizilýde.
Osy jyly karantınge baılanysty olımpıada onlaın rejimde uıymdastyryldy.
Olımpıadanyń ashylýyna «Astana daryny» DDjPS ortalyǵynyń dırektory Tursynov Ǵajdembek Qýanyshuly, «Zerdeli» aqyl-oı damytý ortalyǵynyń dırektory Yrysbek Máýit arnaıy qatysyp, oqýshylarǵa sáttilik tiledi.
«Altyn saqa» matematıkalyq olımpıadasynyń mańyzy týraly Ǵajdembek Tursynov bylaı dedi:
– Bul olımpıadanyń maqsaty – Nur-Sultan qalasyndaǵy barlyq mektep oqýshylary ishinen matematıka pánine beıimdi balalardy anyqtap, ol balalarmen ary qaraı keshendi jumys jasaý. Jeńimpazdardy jyl boıy oqý jattyqtyrý jıyndaryna shaqyryp otyrý. Qaladaǵy eń úzdik matematık muǵalimderiniń master klastaryna qatystyrý, sabaq alýyn uıymdastyrý arqyly olardyń deńgeıin jetildirý».
Al, onlaın rejımde ótip jatqan olımpıadanyń tehnıkalyq múmkindigi men uıymdastyrý jumystary týraly Yrysbek Máýit bylaı baıandady:
– Bul olımpıadanyń tehnıkalyq múmkindigi ózgeshe deýge bolady. Sheteldik eń ozyq ınnovaııalyq tehnologııamen jabdyqtalǵan stýdııadamyzda ótip otyr. Tikeleı translıaııanyń sapasy, baılanys múmkindigi, ǵalamtorlyq jyldamdyǵy da joǵary deńgeıde. Olımpıadanyń akademıalyq tazalyǵyna basa mán berilip otyr. Árbir suraqqa berilgen ýaqyt – 3 mınýt. Suraqtardaǵy 6 jaýaptyń 1, 2, 3 jaýaby durys bolýy múmkin. Ýaqytynan keshikken jaýaptar qabyldanbaıdy. Al, iriktelip alynǵan úzdikterdiń ózi arnaıy komıssııa aldynda óz jaýaptaryn dáleldep, synnan ótedi. Bul krıterııler qatysýshylardyń kóshirý, basqalardyń kómegine júginý yqtımaldyǵyn barynsha tómendetedi.
Tehınkalyq proes pen jaýaptardy qadaǵalaý úshin, 2 birdeı ortalyǵymyzda 30-dan astam bilikti menedjer mamandar jumyldyryldy».
«Altyn saqa» basqa olımpıadalardan ózgeshe. Olımpıadaǵa qatysý – tegin. Jáne jeńimpaz ataný ońaı emes! Óz bilimiń men biliktiligińdi dáleldeısiń. Sonymen qatar, saıystyń taǵy bir ózgesheligi – jeńimpazdar qarjylaı marapattalady.
Júzden júırik shyqqan júldegerler úshin demeýshiler kómegimen jalpy qory 1 mıllıon teńgeni quraıtyn qarjylaı syılyq qarastyrylǵan.
«Altyn saqa» olmıpıadasy jyl saıyn ótkizilip keledi. Bul retki olımpıada 6-ret ótizilip otyr.
