Qazaqstan qazırgı ahualǧa qaramastan strategiialyq damu maqsattaryn ıske asyrady - Toqaev

Qazaqstan qazırgı ahualǧa qaramastan strategiialyq damu maqsattaryn däiektı türde ıske asyrady. Būl turaly «Nur Otan» partiiasynyŋ kezekten tys XX Sezınde QR Prezidentı Qasym-Jomart Toqaev aitty, dep habarlaidy QazAqparat tılşısı. «Partiiamyzdyŋ kezekten tys XX Sezı kürdelı ärı maŋyzdy kezeŋde ötkızılıp otyr. Būl memleketımızdıŋ qoǧamdyq-saiasi ömırındegı aituly oqiǧa. Bügınde «Nur Otan» partiiasy el taǧdyryna jauapty eŋ basty saiasi küşke ainaldy. Halqymyz bızge qaşanda zor senım artady. äsırese jahandyq daǧdarys kezınde el amanatyna erekşe köŋıl böluımız kerek. Bükıl älemge taraǧan pandemiia Qazaqstanǧa da oŋai tigen joq. Memleket azamattarymyzdyŋ densaulyǧyn qorǧau üşın barlyq qajettı şaralardy qabyldap jatyr»,- dedı Qazaqstan Prezidentı. Memleket basşysy partiia tarapynan halyqqa ūdaiy qoldau körsetılıp kele jatqanyn aitty. Partiia belsendılerı jäne erıktılerı mūqtaj jandardan kömegın aiamaǧanyn atap öttı. «Osyndai naqty jūmys pen janaşyrlyq bereke-bırlıgımızdı arttyra tüsedı. Qazaqstan qazırgı ahualǧa qaramastan strategiialyq damu maqsattaryn däiektı türde ıske asyrady. Būl rette Elbasy saiasatynyŋ sabaqtastyǧyn qamtamasyz etu negızgı mındettıŋ bırı. Men biylǧy Joldauymda partiianyŋ qoǧamdaǧy jetekşı rölı turaly aittym. Bız reformalardy jüzege asyru barysynda «Nur Otan» partiiasynyŋ zor äleuetıne süienemız»,- dedı Qasym-Jomart Toqaev.