25 qarashada kúndiz 20 shaqty áıel parlament ǵımaratynyń aldyna jınalyp, ashyq hatqa qol jınady. Olar múgedektigi bar bala tárbıelep otyrǵan ata-analarǵa memleket tarabynan tegin baspana berýdi talap etip otyr.
Májilis tóraǵasy Nurlan Nyǵmatýllınniń atyna jazylǵan hatta áıelder múgedektigi bar adamdardy memleket qoldaýy qajettigi jaıly jazylǵan birqatar zańdar men erejelerge súıengen.
"Máselen, "Turǵyn úı qatynastary" týraly zańnyń 13-babynda múgedekterdiń turǵyn úıdi tegin alý quqyǵy bar ekeni kórsetilgen. Atalǵan zańnyń 98-babynda osy zańda belgilengen jaǵdaılarda kommýnaldyq turǵyn úı qorynan úıler jaldaýshylardyń menshigine óteýsiz beriledi dep aıtylǵan" delingen hatta.
Hat avtorlary buǵan qosa, ózderiniń 15-20 jyldan beri baspana kezeginde turyp kele jatqanyn, másele qansha aıtylsa da, sheshilmeı kele jatqanyn aıtqan.
- Bizdiń kóbimiz 10-15 jyldan beri baspana kezeginde turyp kelemiz. Al balalary aýrýǵa shaldyqqan ata-analarǵa páter jaldaý óte qıyn. Sebebi, ondaı balalarǵa erekshe kútim kerek. Biz jumys istemeımiz, balalarymyzǵa qaraýymyz kerek. Ipotekany, páteraqysyn da tóleı almaımyz, - deıdi Aqmaral Bilálova.
Onyń sózine qaraǵanda 18 qarashada áıelder ákimdikke barǵan kezde Nur-Sultan qalasy ákiminiń orynbasary Dáýren Babamuratov shyǵyp "bul bizdiń quzyretimizge kirmeıdi, bul másele parlament deńgeıinde sheshilip jatyr" dep parlamentke barýǵa meńzegen.
Áıelder jıynyn arnaıy jasaq ókilderi baqylap tur. Jaqyn jerde birinshi prezıdent Nursultan Nazarbaev qatysyp jatqan "Nur Otan" sezi ótip jatqandyqtan aýmaqta polıeıler óte kóp.
25 qarasha tańerteń polıııa áıelder narazylyǵyn qoldap, osynda kelmek bolǵan astanalyq belsendi Bolatbek Bilálovti úıinen ustap áketken bolatyn. Polıııa ázirge jaýap bermedi.
@azattyq
