Djo Baıdendi ulyqtaý rásimi koronavırýsqa baılanysty ádettegideı keń kólemde ótpeıdi, dep málimdedi jeksenbide saıasatkerdiń shtab basshysy Ron Keın.
«Meniń oıymsha, biz bul rásimdi burynǵydaı ótkizbeýimiz kerek. Bul másele boıynsha ókilder palatasy men senat basshylyǵymen aqyldastyq. Osy jolǵy ınaýgýraııanyń burynǵydaı bolmaıtyny anyq», - dedi ol ABC telearnasynda.
Onyń aıtýynsha, is-shara, bir jaǵynan, sán-saltanatpen ótýi de kerek, ekinshi jaǵynan, koronavırýstyń taralýyna jol berilmeýi tıis.
«Bul bizdiń maqsatymyz», - dep qosty Kleın.
Ol josparlanǵan rásimniń qalaı ótetindigin egjeı-tegjeıli aıtpady.
Ulyqtaý rásimi dástúr boıynsha 20 qańtarda ótedi.
Foto ashyq derekkózden alyndy
«Adyrna» ulttyq portaly
