Shyraıly shym qalada tabıǵatty kórkemdep, turǵyndarynyń tynysyn ashyp, kózderin jaınata túsetin taǵy da bir jaqsy jańalyq boldy. Osyǵan deıin de ońtústik óńiri jaıqalǵan tabıǵaty jaǵynan ózge qalalardan erekshelenip tursa, endi kórkine kórik qosa túspek. Sebebi, Shymkentte A.Asqarov atyndaǵy dendrologııalyq saıabaqqa 10 dana qyrǵaýyl qusy ákelinip, saıabaq aýmaǵyna ushyryldy.
Mamandardyń aıtýynsha, saıabaqtyń faýnasyn ulǵaıtyp, tabıǵı ortany qalyptastyrý jáne tepe-teńdik saqtap qalý úshin bul qustar Syrdarııa-Túrkistan óńiraralyq tabıǵı parkinen jetkizilgen. Dendrosaıabaq qalanyń qaq ortasynda ornalasqan «kishi orman» bolyp esepteledi. Sondaı-aq, erekshe qorǵalatyn tabıǵı aýmaq mártebesi berilgen. Sondyqtan ózine tán tynys-tirishiligimen qosa ań-qustary men jabaıy janýary bolǵany durys.
Qazirgi tańda saıabaq aýmaǵyndaǵy 3 ga jasandy kólde jabaıy aqqý, qaz, úırek jersindirilgen. Qoınaýynda balyqtyń birneshe túri kezdesedi. Sonymen qatar, saıabaqta 84 qyrǵaýyl, 50 tıin, 23 qoıan,10 taýs (pavlın), 5 jibek jáne bentamka taýyǵy, 4 esarka, 3 teńbil buǵy, 4 ker buǵy, 1 ergejeıli qoı bar. Atalǵan ań-qustar arnaıy bastyrmalarda, qorada jáne erkindikte júredi. Olar jem-shóppen tolyq qamtylǵan.
D.Amanjoluly, Shymkent Aqparattyq Kommýnıkaııalyq Ortalyqtyń kómegimen daıyndaldy
