KAZGIýÝ-de erekshe bir dástúr qalyptasyp keledi. Bul týraly osy oqý ornynyń basqarma basshysy Talǵat NÁRIKBAEV óziniń áleýmettik jeli paraqshasynda jazdy dep habarlaıdy «Adyrna» ulttyq portaly.
«KAZGIýÝ-de oqytýshylarmen beıresmı kezdesýlerdi jıi ótkizýge tyrysamyz. Ár jınalys saıyn ártúrli taqyrypta áńgimelesemiz.
Mundaı kezdesýler arqyly oqytýshylar ózderiniń dárejeleri joǵary oqý ornynyń basshylyǵymen teń ekenin túsinedi. Bul - KAZGIýÝ-de birneshe jyl buryn engizilgen gorızontaldy basqarý júıesiniń jalǵasy. Endi ýnıversıtetke qatysty kez kelgen sheshimdi rektor nemese dekan emes, ujym sheshedi. Iaǵnı ujymnyń pikiri eskerilip qana qoımaı, sheshim qabyldaýdyń ózi tolyǵymen joǵary mektep komıtetterine (akademııalyq sapa komıteti, etıka komıteti, ǵylym komıteti) berildi, al ákimshilik (provost, dekandar) aralaspaıdy.
Bir-birimizge josparymyz, jobalarymyz, ıdeıalarymyz týraly aıtamyz. Senim - jeke ómirde ǵana emes, jumysta da qarym-qatynastyń negizi. Bizdiń bolashaq josparlarymyz sáıkes kelýi kerek. Áıtpese, jumys berýshiniń armandary men josparlary basqa, oqytýshylardyń oıy múldem ózgeshe bolýy múmkin. Sonymen qatar bul bir-birimizdiń kózqarasymyzdy túsinýge kómektesedi.
Zamanaýı bilim salasyndaǵy ózekti problemalardy talqylaımyz. Qazirgi basty mindetimiz — ǵylymı turǵyda oılaıtyn jastardy osy salaǵa baýlý, jas ǵalymdardy tárbıeleý. Bul máseleni tek ýnıversıtet ishinde ǵana emes, Parlament Májilisiniń deńgeıinde talqylaýǵa shyǵarýdamyz.
P.S. Aldaǵy ýaqytta KAZGIýÝ-dyń árbir qabatyna arnaıy taqta qoıylady. Oǵan kez kelgen qyzmetker men oqytýshy ýnıversıtet jumysyn jaqsartý boıynsha usynystary men ıdeıalaryn jazady degen senimdemin. Árbir jaqsy ıdeıa baǵalanatyn bolady», -dep jazady T.Nárikbaev.
