Saılaýdyń bolǵannan boladysy qyzyq, aldaǵy saıası doda taǵy da alternatıvasyz ótpek, nátıjesin de ishteı sezip otyrmyz. Sol baıaǵy partııalar, bul endi tańǵaldyrmaıtyn boldy. Biraq bul joly qısynsyz kórinetin bir jaıt - kommýnısterdiń parlamentke qaıta ótip ketý qaýpi. Árıne, búgin olardyń qoǵamda eshqandaı bedeli joq. Dese de, bulardyń qazaq parlamentinde otyrýy kommýnıstik rejımniń qyspaǵynan ótken biz úshin, bizdiń eldigimiz úshin syn ekeni anyq.
Osyǵan deıin bir-eki ultshyl aǵalarymyz bul máseleni qozǵap, «kommýnıster parlamentte bolmaıdy» degen syńaıly pikirlerin aıtqan. Muny basynda Aqordanyń belgisi retinde qabyldadym: kommýnısterge jol jabylyp, aldyn ala halyqty qulaǵdar etkeni shyǵar dedim. Biraq, qanisherler izbasarlarynyń sońǵy kezdegi belsendiligine qaraǵanda, olar qaıta saılanýǵa úmitti.
Parlamentke jol kommýnıster úshin birjola jabylýy kerek. Nege ekenin túsindireıin.
• Orystarda «skolko hren medom ne nazyvaı, slae ne stanet» degen sóz bar. Olar ataýlaryn ózgertip, kommýnıster ataýynan bas tartyp, Halyq partııasy bolyp shyǵa keldi. Óz ataýynan bas tartqan partııaǵa qalaı senýge bolady?
• Táýelsizdik alyp, alashordashylardy aqtap, baǵasyn berdik. Olardy ólimge qıǵan kommýnısterdiń izbasarlaryn tórimizde taırańdatyp qoıý - ardaqtylarymyzdyń arýaǵyn qorlaý, namyssyzdyǵymdyń aıǵaǵy.
• Olar qıturqylyqqa baryp otyr. Elektorattyń saıası saýatynyń áli de tómen ekenin paıdalanyp, «halyq» degen ádemi sózdi qosyp, upaı jınamaq. Qoı terisin jamylǵan qasqyr deýge bolady. Saıası saýaty áli de tómendeý elektorat muny ajyrata almaı qalýy múmkin.
• Órkenıetti elderdiń barlyǵy lıýstraııa jasap, kommýnızmdi fashızmge teńep, burynǵy kommýnısterdiń qandaı da bir memlekettik qyzmetke kelýine baıaǵyda-aq tyıym salyp tastaǵan. Bizge de órkenıettik tańdaý jasaý kerek.
Iá, qazirgi saılaýǵa túsken partııalardy naǵyz básekelester, kommýnısterden artyq is tyndyrady deýge kelmes. Barlyǵy biletin baıaǵy oıynshylar, saılaýdyń ımıtaııasy. «Birlik» «Adal» bolyp ózgerip shyǵa keldi, buǵan deıin komada jatty, saılaýdan keıin taǵy uıqyǵa ketýi ǵajap emes. «Nur Otannyń» jaıy túsinikti.
