Qazaqtyŋ abyz aqsaqaly, tarih ǧylymdarynyŋ doktory, akademik-ǧalym Uähit ŞÄLEKENOV 96 jasynda dünieden öttı.
Ol 1942-1943 jj. qan maidanda oq keşıp, soǧysqa qatysyp, Otan aldyndaǧy boryşyn ötedı. Otstavkadaǧy polkovnik. «Qyzyl Jūldyz», 1- jäne 2-därejelı Otan soǧysy ordenderımen marapattalǧan.
Arda tuǧan azamat elge kelgen soŋ joǧary bılım alyp, sanaly ǧūmyryn qazaqtyŋ ǧylymy men bılımıne arnady. Qazaq tarihyn tereŋ zerdelep, zerttei bılgen ǧalym Qazaqstan Respublikasy Gumanitarlyq ǧylym akademiiasynyŋ akademigı (1991). Qazaqstan Respublikasynyŋ (1984) jäne Özbekstan Respublikasynyŋ (1984) eŋbek sıŋırgen ǧylym qairatkerı ataqtaryn aldy. Talai jyldary boiy äl-Farabi atyndaǧy Qazaq ūlttyq universitetınde ūstaz bolyp, talai şäkırttıŋ jüregındegı şyraǧyn jaǧa bıldı. Sondai-aq ol qazaq etnorgrafiia ǧylymynyŋ da negızın qalap, ärı qarai türlenuıne jol sıltep berdı.
Onyŋ 700-den astam ǧylymi jariialanymy, 30 monografiiasy, oqu qūraldary keler ūrpaqqa mūraǧa qaldy.
Batys öŋırınde düniege kelıp, Qaraqalpaqstanda ösıp, bar ǧūmyryn qazaq jūrtynyŋ kökırek közınıŋ aşyluyna, töl tarihymyzdyŋ tügeldenuıne arnaǧan aqsaqaldyŋ otbasyna, tuǧan-tuysyna, küllı qazaq jūrtyna qaiǧyra köŋıl aitamyz!
Foto aşyq derekközden alyndy
«Adyrna» ūlttyq portaly
