Qazaqstanda «Bala násibi» atty járdemaqy engizý usynyldy

1820
Adyrna.kz Telegram

«Aýyl» partııasynyń músheleri «Bala násibi» atty járdemaqy taǵaıyndaýdy usyndy, dep habarlaıdy QazAqparat tilshisi. «Aýyl» HDPP ortalyq apparatynyń jetekshisi Qýanysh Seıitjanovtyń aıtýynsha, Qazaqstanda muqtaj nemese muqtaj emes dep bólmeı, balalardyń bárine birdeı járdemaqy taǵaıyndaý kerek. «Halyqtyń amanat etken saýaldarynyń biri («El amanaty» saýalnamasy) – áleýmettik salada, ár balaǵa járdemaqy taǵaıyndaý týraly partııa usynyp otyrǵan bastama. Demek, qoǵamda bul problema burynnan bar. Partııanyń buǵan deıingi ótkizgen is-sharalarynda bul másele talqylanǵan. Árıne, qazirgi tańda ana men balany qoldaý salasynda áleýmettik járdemaqynyń neshe túri joq emes – bar. Belgili bir deńgeıde bul járdemaqynyń túrleri keıde bir-birine qaıshy kelip te jatady. Máselen, bir ǵana ana men balaǵa arnalǵan járdemaqy 14 túrli zańmen retteledi eken. Bul belgili bir deńgeıde halyqty shatastyryp jatyr», - dedi Qýanysh Seıitjanov Ortalyq kommýnıkaııalar qyzmetinde ótken «Aýyl» partııasynyń baspasóz máslıhatynda. Onyń aıtýynsha, keıinnen taǵaıyndalǵan ataýly áleýmettik kómektiń de qaıshylyqtary joq emes. «Máselen, Qazaqstanda 776 myń adam ataýly áleýmettik kómekti alsa, sonyń 492 myńy balalarǵa arnalǵan ataýly áleýmettik kómek eken. Biz nege balany jas kúninen biri áleýmettik kómekke muqtaj, ekinshisi muqtaj emes dep bólýimiz kerek? Bul – ıdeologııalyq mazmun turǵysynan da óte qate. Óıtkeni biz balanyń janyn jasynan jaralaımyz. Muny dana halqymyz «Ár balanyń óz násibi bolady» dep biraq aýyz sózben aıtqan. Bizdiń ustanyp otyrǵan pozıııamyz – 18 jasqa deıingi balalardy áleýmettik kómekke muqtaj nemese muqtaj emes dep bólmeı, tólemaqy taǵaıyndaý. Buǵan elimizdiń ekonomıkalyq múmkindikteri jetkilikti. Bul usynysty kókten alǵan joqpyz. Saraptamanyń nátıjesinde usynyldy. Áleýmettik tólemge keler bolsaq, Asan men Úsenniń ertegisi eske túsedi. Bala qashan da - bala. Ol - bizdiń bolashaǵymyz», - dedi ol. «Aýyl» partııasynyń músheleri bul járdemaqyny «Bala násibi» dep ataýdy usynyp otyr. Aıta ketsek búgingi baspasóz máslıhatynda «Aýyl» HDPP tóraǵasynyń birinshi orynbasary Tóleýtaı Raqymbekov «El amanaty» jalpyulttyq saýalnamasynyń nátıjesin jarııalaǵan bolatyn.

Pikirler