Elbasynyń tóraǵalyǵymen «Samuryq-Qazyna» ulttyq ál-aýqat qoryn basqarý jónindegi keńestiń otyrysy ótti, dep habarlaıdy «Adyrna» ulttyq portaly elbasy.kz-ke silteme jasap.
Jıynda pandemııa kezinde otandyq óndirýshilerdi qoldaý sharalary jáne «Samuryq-Qazyna» qoryn ınvestıııalyq holdıngke aınaldyrý máselesi qaraldy.
– Bizdiń búgingi jıynymyz kúrdeli kezeńde ótip otyr. Alpaýyt elder arasyndaǵy básekelestik pen teketires kúsheıip barady. Qazaqstan ekonomıkasyna úlken salmaq túsýde. Sonymen birge bul jańa ekonomıkalyq model qalyptastyrý úshin qajetti reformalar júrgizý múmkindigi, – dedi Elbasy.
Nursultan Nazarbaev Qordy qaıta qurý máselesin talqylaý barysynda tıimsiz ınvestıııalardy qysqartyp, tabysy joǵary ınvestıııalarǵa aýystyrýdyń mańyzdylyǵyn atap ótti.
– Biz negizgi maqsattardy Qordyń 2028 jylǵa deıingi jańartylǵan damý strategııasynda aıqyndadyq. Eń bastysy – taıaý merzimde «Samuryq-Qazyna» qorynyń jumysyn jańa formatqa kóshirip, jetekshi táýelsiz ál-aýqat qorlary sııaqty ınvestholdınge aınaldyrý. Bizge Qordyń portfelindegi aktıvterdi geografııasy men salasyna qaraı ártaraptandyrý kerek. Tıimsiz ınvestıııalardan arylyp, olardy barynsha tabys ákeletin ınvestıııaǵa aýystyrý qajet. Bul dıvıdendterdiń ósýi esebinen bıýdjetke túsetin túsimderdi ulǵaıtýǵa múmkindik beredi, – dedi "Samuryq-Qazyna" ulttyq ál-aýqat qoryn basqarý jónindegi keńestiń Tóraǵasy.
Otyrys qorytyndysy boıynsha Keńes músheleri Qordy ınvestıııalyq holdıngke aınaldyrýdyń tujyrymdamasyn maquldady. Sondaı-aq «Samuryq-Qazyna» akıonerlik qoǵamy basqarmasyna pandemııa kezinde otandyq taýar óndirýshilerdi qoldaýǵa baǵyttalǵan is-sharalardy júzege asyrýdy jalǵastyrýdy tapsyrdy.
«Adyrna» ulttyq portaly
