Almatyda Mádenıet jáne sport mınıstrliginiń qoldaýymen «Abaıdan-amanat» konert spektakliniń onlaın túsirilimi Ǵabıt Músirepov atyndaǵy balalar jáne jasóspirimder teatrynyń teatr sahnasynda ótti. Konert spektakl Qurmanǵazy atyndaǵy Qazaq memlekettik akademııalyq halyq aspaptary orkestri men Ǵabıt Músirepov atyndaǵy balalar jáne jasóspirimder teatrynyń Abaı atamyzdyń 175 jyldyq mereıtoıyna arnalǵan birlesken jobasy. Konerttiń televızııalyq jobasyn túsirgen «Abai.tv» arnasy.
Óner salasynda bolmaǵan tyń joba – Qurmanǵazy orkestriniń basqa konertterinen ózgeshe, óıtkeni ataýly jobaǵa teatr akterleri de óz úlesterin qosyp, konert spektakldi áserlendire túsken. Abaı ánderi men kúılerine, jyr joldaryna qurylǵan joba bir sátke Abaı álemine enýge múmkindik beredi.
«Abaıdan-amanat» konert spektalinde jas Abaıdyń rolin jas akter – Erden Jaqsybekov, Toǵjandy – «Serper» syılyǵynyń laýreaty Aıda Jantileýova, Abaıdyń ájesin – Qazaqstan Respýblıkasynyń eńbegi sińgen artısi – Lıdııa Kadenova somdady.
Danııar Bazarqulov: (Ǵabıt Músirepov atyndaǵy balalar jáne jasóspirimder teatrynyń kórkemdik jetekshisi, jobanyń rejısseri)
- Mádenıet jáne sport mınıstrliginiń tapsyrmasymen Qurmanǵazy atyndaǵy orkestri jáne Ǵ.Músirepov atyndaǵy teatrmen birlesken «Abaıdan-amanat» jobasyn jasap jatyrmyz. Bul is-shara tikeleı Abaı atamyzdyń 175 jyldyq mereıtoıyna arnalady. Abaı atamyzǵa taǵzym, jastarǵa amanat retinde sahnalanyp otyr. Konert-spektakldiń janryn – Abaıǵa fantazııa dep qoıdym. Sebebi ózimizdiń kózimizben Abaıdy qalaı kóremiz, sony sahnaǵa shyǵarýǵa tyrystym. Iaǵnı Abaıǵa bala kózimen qaraý. Alǵashqy sahnada bala sahnaǵa shyǵyp Abaıdyń óleńin oqıdy. Sol sátte Abaı álemine qııal-ǵajaıyp arqyly enip ketedi. Konert-spektakl sonysymen erekshe. Kelesi sahna jas Abaıdyń shabyttanǵan kezi, Toǵjanǵa ǵashyq bolǵan sátine aýysady. Ǵashyǵymen kezdesýi, oǵan án arnaýy munyń bári rejısserlik fantazııa. Odan keıin ájesi Zerege erkeleýi, ony jaqsy kórýi, ájesiniń Abaıǵa degen mahabbaty kórsetiledi. Jáne de Abaıdyń Birjan salmen kezdesken sátin osy konert-spektaklden kórýge bolady.
Medet Qýanyshev: (Qurmanǵazy atyndaǵy Qazaq memlekettik akademııalyq halyq aspaptary orkestriniń dırektory)
- Memleket basshysynyń jarlyǵymen bıylǵy jyldyń «Abaı jyly» dep jarııalanǵanyn bilesizder. Osy oraıda QR Mádenıet jáne sport mınıstliginiń qoldaýymen eki óner ujymy «Abaıdan-amanat» qoıylymyn sahnaǵa shyǵardy. Qoıylym televızııalyq jobasyn «Abai.tv» arnasy túsirip jatyr. Konert-spektalde Abaıdyń bala kezinen qartaıǵan sátine deıin kórsetiledi. Qoıylymdy Qurmanǵazy orkestri jandy dybyspen súıemeldeıdi. Dırıjer, Qurmanǵazy orkestriniń bas dırıjeri, Memleketik «Daryn» jastar syılyǵynyń laýreaty – Abylaı Tilerbergen. Televızııalyq túsirilimdi jaqyn arada «Abai.tv» arnasynan kórermen qaýymǵa onlaın formatta usynamyz. Sonymen qatar eki óner ujymynyń áleýmettik jelidegi paraqshalary arqyly kórsetiledi. Elbasy Nursultan Ábishuly Nazarbaev «Bolashaqqa baǵdar: rýhanı jańǵyrý» atty maqalasynda qoǵamdyq sanany qaıta túletýdiń mańyzdylyǵy týraly aıtyp ótken bolatyn. Osy oraıda Abaı murasynyń, Abaı shyǵarmashylyǵynyń tıgizer úlesi zor dep esepteımin. Sondyqtan «Abaıdan-amanat» konert-spektaliniń mańyzy erekshe bolmaq.
Qurmanǵazy orkestriniń baspasóz
qyzmeti
