Parlament májilisi saılaýyna kásipodaqtar táýelsiz baqylaýshy retinde qatysýǵa nıetti. Bul týraly búgin, Batys Qazaqstan oblystyq kásipodaqtar ortalyǵynyń tóraıymy – Aıgúl Esekenova BQO kásipodaqtar ortalyǵy Úılestirý keńesiniń otyrysynda aıtyp ótti, dep habarlaıdy «Adyrna» ulttyq portaly.
Eske sala ketsek, aǵymdaǵy jyldyń 9 qarasha kúni Qazaqstan Respýblıkasy Kásipodaqtar Federaııasy tóraǵasynyń birinshi orynbasary – Muhtar Tinikeev baspasózdegi málimdemesinde Qazaqstan Respýblıkasyndaǵy eń iri qoǵamdyq birlestik retinde Kásipodaqtar Federaııasy mańyzdy ishki saıası proesterden tys qalmaıtynyn, sondyqtan Kásipodaqtar federaııasy Qazaqstan Respýblıkasy Parlamenti Májilisi depýtattarynyń saılaýyna eldiń saılaý zańnamasynyń barlyq normalarynyń saqtalýyn baıqaýshy retinde qatysýǵa nıetti ekendigin jetkizgen bolatyn.
Bıyl Qazaqstan Respýblıkasy Kásipodaqtar Federaııasy elimizdiń jetekshi saıası uıymy -«Nur Otan» partııasymen birge ózara áriptestik memorandýmyna qol qoıyp, jyl basynan beri birlesken is-sharalardy atqaryp keledi. QRKF óz kezeginde saıası partııanyń saılaý tarıhynda alǵash ret oryn alyp jatqan praımerızge belsendi qatysyp, kóbirek eńbek adamynyń eldiń saıası damýy jolynda yqpal etip, úles qosýyna jaǵdaı jasady. Sonymen qatar, bul belsendilikti ári qaraı jalǵastyrýǵa bel býyp, 2021 jyldyń 10 qańtary kúni ótetin saılaýǵa Baqylaýshy retinde qatyspaqshy.
Batys Qazaqstan oblystyq kásipodaqtar uıymdarynyń atynan 200-ge jýyq eńbek adamy saılaýǵa táýelsiz baqylaýshy retinde qatysýǵa nıetti.
«Adyrna» ulttyq portaly
