31 qazan kúni Almaty qalasy T. Shevchenko kóshesiniń boıyndaǵy Sh. Ýálıhanovtyń eskertkishiniń aldynda ruqsat etilgen mıtıng ótken bolatyn. Mıtıngi alańyna áıel kıimin kıgen er adamnyń kelip, óz quqyǵyn talap etýi – kópshilikti tańdandyryp, keıbiriniń yzasyn týdyryp, sońynan oǵan qol jumsaýǵa deıin jetkizgen edi.
Azamat Iýrıı TOLOChKO Facebook paraqshasynda óziniń bul áreketine qatysty «Koe-chto o faktah» degen taqyryppen arnaıy málimdeme jasady.
Ol: «Jýyrda jelide kóptegen jalǵan aqparattar tarala bastady, qandaı da bir sebeptermen adamdar ony naqty dáıekke balap jatyr. Bul 31 qazanda Almatyda ótken mıtıng pen ondaǵy Amandanyń (men áıel beınesindegi) tóbe kórsetýine qatysty. Osyǵan qatysty men birneshe túsinikteme bergim keledi", - dep bastaıdy.
"Men týraly mıtıngti buzý úshin arnaıy Qazaqstanǵa aldyrylǵan áıgili ýkraın akteri dep jazyp jatyr.
Túsindirip bereıin: men Ýkraınada 1985 jyly dúnıege keldim, biraq 1990 jyldan bastap Qazaqstanda turamyn. Iaǵnı, men ómirimniń kóp bóligin osynda ótkizdim (30 jyl az ýaqyt emes) jáne men osy eldiń azamatymyn.
Kópshilik meni «Nur-Otan» partııasynyń múshesi dep jazyp jatyr (sol sebepten mıtıngti buzýǵa múddeli dep oılaıdy). Osy partııanyń ókilderimen túsken sýretke silteme berip kórsetýde.
Túsindirip bereıin: men kópshilik aldynda sóıleý, emoıonaldy ıntellekt, verbaldy emes daǵdylar salasyndaǵy biregeı mamanmyn. Men trenıngter ótkizemin (jumys ótili – 12 jyl). Meniń klıentterim men stýdentterimniń arasynda ártister, telejúrgizýshiler, kásipkerler, bıznes-jattyqtyrýshylar, jýrnalıster, ártúrli salanyń qyzmetkerleri bar. Men, tipti, partııanyń 18 jáne 19 sezderine spıkerler de daıyndadym. Basqa eshteńe joq.
Men eshqashan partııanyń múshesi bolǵan emespin (eshbirinde). Qaýymdastyqtardyń da múshesi bolmadym. Árdaıym «men jalǵyz ózim eshteńe isteı almaımyn» pozıııasynan shyqtym?
Aıtpaqshy, mende oppozıııa ókilderimen de birge túsken fotosýretter bar (ol da nurotanshylarmen túsken sýretter sekildi múldem eshteńe bildirmeıdi). Árdaıym pozıııa birinshi nemese ekinshi bola bermeıdi – úshinshisi de bar.
Jazyp jatqandar mıtıngke «Shal, ket!» dep aıqaılaǵan kezde shyqqanymdy aıtady. Mıtıngti toqtatý úshin men kelgem (suraq: men nege kesh keldim?).
Túsindirip bereıin: Men jaı ǵana ushaqqa keshigip qaldym (tekserýińizge bolady). Men saǵat 9.20-da ushýym kerek edi (Scat avıakompanııasy), biraq 11.30-da ushtym (Air Astana avıakompanııasy). Men Almaty áýejaıynan saǵat 13.20-da shyqtym.
Olar meni urǵan jigit meniń áriptesim, biz bul spektakldi birlesip qoıdy dep te jazady. Polıeılerge men oǵan qarsy aryz jazbaǵanymdy senimmen de jazyp jatyr.
Túsindirip bereıin: men oqıǵadan keıin birden jazdym (aryzym bar). Men jigittiń kim ekenin bilmeımin. Ol tabylǵan jaǵdaıda bizdiń tanystyǵymyzdy teksere alasyz (al qazir gıpotezalardy fakt retinde usynýdyń maǵynasy joq).
Sondaı-aq birinshi bolyp ol jigitti meniń urdy deıdi.
Túsindirip bereıin: bul jigit meni eki ret mıtıng aýmaǵyna kirgizbeı, toqtatpaq boldy. Sodan keıin, minbege jaqyndaǵanymda, ol meniń shashymdy julyp aldy (bul onyń 3-shi áreketi), men ony alýǵa asyǵyp, soqqyǵa jyǵyldym. Meni basqa adamdar da ıterip jiberdi, ózimdi qorǵaý úshin olardy da ıterýge týra keldi.
Olar meni UQK qyzmetkeri nemese olarmen baılanysy bar dep jazypty.
Túsindirip óteıin: bul tusta meniń olarmen baılanysym joq ekenin dáleldeý qıynǵa soqpaq, dálirek aıtsam, qalaı dáleldeýge bolatynyn bilmeımin (Olardan anyqtama alýym kerek pe? Qalaı?) Alaıda, eshkim de baılanysty dáleldeı almaıdy. Sonymen bul joramaldar da sol kúıi qala bersin.
Olar men mıtıngti "beıbit emes" dep atamaýym jáne "mıtıng quqyǵyna ıe bolý kerek"degen pikirimdi bildirmeýim kerek dep jatyr. Sol sebepten de men barlyq mıtıngshilerdi kináladym, barlyq narazylyq bildirýshilerdi aıyptadym.
Túsindirip óteıin: birinshiden, meniń oılaýǵa quqyǵym bar (basqalardan ózgeshe oılaýǵa). Ekinshiden, men bárin kinálamadym. Maǵan tıispegender de boldy, tipti maǵan tıispeýge de shaqyrdy (olar meniń oıymsha, mıtıngke shyǵýǵa quqyly). Biraq arasynda sońynda meni soqqyǵa jyqqan jigitten bólek, meni birneshe ret shyǵaryp jibergisi kelgen adamdar da boldy. Olar meni ıterip, qýyp jiberdi (soqqyǵa jyqqanǵa deıin de, keıin de). Shettetý tek meniń syrtqy kelbetime baılanysty (óıtkeni menen ne úshin kelgenimdi eshkim suramady, maǵan kópshiliktiń arasynda turýǵa ruqsat etpedi).
Kelgen maqsatymdy keıin, meni mıtıng «perımetrinen» shyǵaryp jiberip, jýrnalıster meni qýyp jetken kezde aıttym. Olar qýyp jetpese, meniń nege barǵanymdy eshkim bilmes edi. Adamdardyń bir toby ózderin durys ustaǵan (adekvat), al ekinshi bir toby ıterip, qorlap (syrtqy kelbetine bola), qýǵandyqtan jáne olar kóp bolǵandyqtan, men muny beıbit mıtıng dep ataı almaımyn.
Aıtpaqshy, men bul keıipte transgenderler máselesin emes, basqa oıdy da jetkize alar edim. Biraq olar báribir meni tepkileıtin edi. Aıtpaqshy, men polıııa jaqsy qyzmet kórsetti dep aıta almaımyn (óıtkeni olar meni jyldam qutqarýǵa tyryspady, árıne, bári óte tez boldy, degenmen meni qorǵaıdy dep kúttim). AIIB-de olar ózderin durys ustady.
Ári qaraı nege mundaı formada kelgenim týraly da jazady.
Túsindirip óteıin: birinshiden, teń quqyqtar men demokratııalyq bostandyqtardy jaqtaıtyn adamdar úshin syrtqy túrdiń qandaı da mańyzy bar ma? Nemese «demokrattarda» kemsitýge oryn bar ma? Ruqsat etilgen mıtıngige barlyǵyn shaqyrdy ma?
Iá, men eldiń nazaryn aýdarý úshin osylaı kıindim (bul anyq). Osyndaı qoıylymdardyń kómegimen men ózimdi mazalaıtyn máselelerge nazar aýdarta alamyn. Iá, haıp jasaý maǵan rahat ta syılaıdy. Jáne men muny jasaı aldym», - dep túsinik berip, mıtıngige nelikten shyqqandyǵyn aıtady.
Rasynda, Iýrıı Tolochkonyń bul áreketin
">áleýmettik jelide arnaıy tapsyrys retinde baǵalaǵandar kóp boldy. Biri onyń bul áreketi úshin aqy tólengenin aıtsa, endi biri ony «Nur-Otan» partııasy jaldaǵanyn deıdi. Halyq arasynda onyń mańyzdy mıtınginiń shyrqyn buzyp, osyndaı keıipte barǵany úshin aıyptaýshylar da bar. Sonymen qatar Iýrııdiń bul áreketin jaqtaýshy azamattar da kezdesedi. Al siz ne deısiz, qurmetti oqyrman?
