Qazirgi tańda IT salasy dúnıejúzinde úlken suranysqa ıe. Rasymen, búgingi kún sanap qaryshtap damyǵan zamanda aqparattyq tehnologııalardy qolǵa alyp, damytpasaq, órkenıetti otyz eldiń qataryna enýimiz jaı arman bolyp qalar ma eken? Sebebi, ekonomıkasy damyǵan, áleýeti joǵary órkenıetti elderdiń barlyǵy derlik sandyq júıege kóship, ónerkásibiniń damýy men halqynyń ál-aýqatyn jyldan-jylǵa jaqsartyp keledi.
2017 jyldyń 12 jeltoqsanda «ıfrly Qazaqstan» memlekettik baǵdarlamasy iske qosylǵan edi. Baǵdarlamanyń negizgi maqsaty – Qazaqstan turǵyndarynyń ómir sapasyn jaqsartý, ulttyq ekonomıkany ıfrlandyrý bolyp tabylady. Sondaı-aq, Elbasy N.Á.Nazarbaevtyń «Qazaqstan 2050» Strategııasy, «100 naqty qadam» Ult jospary men «Nurly jol» sııaqty mańyzy zor qujattarda kórsetilgen maqsat-mindetterdi iske asyrýǵa basymdyq beretin qosymsha kúsh dese bolady.
Jalpy aıtqanda, Qazaqstannyń aqparattyq tehnologııalardy memlekettik júıege endirý, sáıkestendirý jumystary osydan sál erterek bastalǵanyn aıtý kerek. Osy ýaqyt ishinde Qazaqstandaǵy ıfrlandyrý júıesi edáýir ósken baıqaımyz. Qazaqstanda onlaın saýda naryǵy damyp keledi. Qazaqstan halqynyń basym bóligi ıfrly saýatty. Úıden, keńseden shyqpaı-aq, túrli operaııalardy jasaı alady. Erterekte kezekte turyp, ýaqytyn sarp etip, mekemege arnaıy barý kerek bolsa, qazir halyq tólemdi de, onyń ishinde salyq, aıyppul, kommýnaldyq tólemderdi jasaý sekildi, basqa da ártúrli operaııalardy jasaı alady. Al orta bilim berý mekemelerinde ınteraktıvti taqta ornatý, kompıýtermen jabdyqtaý qolǵa alynǵan.
«ıfrly Qazaqstan» memlekettik baǵdarlamasyn jasaýda órkenıetti, damyǵan elderdiń tájirıbesi qoldanylǵan eken. Mysaly, Avstrııa, Danııa, Aýstralııa, Kanada men Sıngapýr sekildi ıfrlyq tehnologııany iske asyrý jolynda zor jetistikterge qol jetkizgen elderdi aıtýǵa bolady. Iaǵnı, ıfrlyq tehnologııalar kóptegen elderdiń ekonomıkasyn damytýda mańyzdy rólge ıe.
HHI ǵasyr – aqparattandyrý ǵasyry. Qazirgi bilim berý júıesiniń ajyramas bóligi damyǵan ıfrlyq ınfraqurylym bolyp tabylady. Sondyqtan bilim berý uıymdarynda IT-ınfraqurylymdy, ıfrlyq bilim berý resýrstaryn, ashyq onlaın-kýrstardyń jelileri men platformalaryn damytý, memlekettik kórsetiletin qyzmetterdi avtomattandyrý jumystary qolǵa alynǵan. Mektep boıynsha bilim berýdi ıfrlandyrýdy júzege asyrýdyń jospary ázirlenip, aýqymdy jumystar atqarylýda, ınfraqurylymy damý ústinde.
Elbasymyz Nursultan Nazarbaev atap ótkendeı «eldi ıfrlandyrý – bul maqsat emes, bul – Qazaqstannyń absolıýttik artyqshylyqqa qol jetkizý quraly» bolyp tabylady. Tutastaı alǵanda, qazaqstandyqtardyń ómir sapasyn arttyrý, ulttyq ekonomıkany ıfrlandyrý, el ekonomıkasynyń básekege qabilettiligin arttyryp, halyqtyń ál-aýqatyn kóterý baǵdarlamanyń basty maqsaty bolyp tabylady.
«ıfrly Qazaqstan» baǵdarlamasynda atalǵan baǵyttardaǵy mindetterdi naqty júzege asyrsaq, Qazaqstan ozyq otyzdyqqa enýge mol múmkindik alady. Munymen qosa, el ishindegi óndiristi jahandyq jańǵyrtý jáne ıfrlandyrý sheńberinde toǵystyrsa jón bolar. Sonda Qazaqstan ekonomıkasy damyǵan álem elderiniń kóshine ilesip, aqparattyq salanyń tyń jetistigin keńinen paıdalana alady degen zor úmitimiz bar.
D.Amanjoluly,
“Adyrna” ulttyq portaly
