Almatyda "100 óleń" respýblıkalyq kórkemsóz oqý saıysy ótti

2936
Adyrna.kz Telegram

6-qarasha kúni Almatyda "100 óleń" respýblıkalyq kórkemsóz oqý saıysy máresine jetip, teatr ártisi Edige QAIYRTAIULY top jardy. Uıymdastyrýshylardyń aıtýynsha, baıqaýǵa qatysýǵa bastapqyda 57 adam ótinish bildirip, onlaın irikteýden 15 qatysýshy Almatyda ótken fınaldyq kezeńge joldama alǵan. Saıys Jazýshylar Odaǵynda  5 saǵatqa jýyq ýaqytqa sozylyp, óte tartysty ótti. 


Birinshi kezeńde ár qatysýshy qorjynnan 5 óleń alyp, ony tolyq jatqa aıtyp jarysty. Eki ret múdirgender, kelesi kezeńge ótpedi. Ekinshi týrda qazylar Júrsin ERMAN, Altynbek QORAZBAEV, Ǵalym JAILYBAI, Baýyrjan JAQYP, Serik QALIEV, Baqyt BEDELHAN, Aqberen ELGEZEK, Maqpal MYSA qatysýshylardan 100 óleńniń kez kelgen jerinen surap, jańylystyrýǵa tyrysty.

Aqyry fınalǵa 12 jasynda Qurandy tolyq jattap, qarı atanǵan Qýanysh KENEShBAI, akter Edige QAIYRTAIULY jáne Óskemennen kelgen kórkemsóz oqý sheberi Qýanysh ERKIN shyqty. Olar bir-birinen óleńder suraý arqyly saıysyp, nátıjesinde Edige Qaıyrtaıulynyń baǵy jandy. Edigege ASSYLTAS qoǵamdyq qory taǵaıyndaǵan temir tulpardyń kilti tabystaldy. Barlyq qatysýshylar baǵaly syılyqtarmen marapattaldy.
Uıymdastyrýshylar kelesi jyly da atalǵan jarys jalǵasyn tabady deıdi.

"Adyrna" ulttyq portaly

Pikirler