BAÄ bilıgı alkogol ışkenderge, özıne qol jūmsaǧysy kelgenderge qatysty jazany alyp tastady jäne neke qiylmaǧan jūptarǧa bırge tūruǧa rūqsat ettı, - dep habarlaidy «Adyrna» ūlttyq portaly Tengrinews.kz tılşısıne sılteme jasap.
Senbıde BAÄ prezidentı Halifa ben Zeid Äl Nahaiian jeke status jäne azamattyq qatynastarǧa qatysty qylmystyq jäne qylmystyq-prosessualdyq kodeksterge özgerıster engızudı bekıttı. Atap aitqanda, "ar-namysyn qorǧau üşın jasalǧan qylmysty" jeŋıldetudı qarastyratyn bap alyp tastaldy.
Özgertuler engızılgennen keiın BAÄ-de alkogol ışu qylmys bolyp eseptelmeidı. Endı 21 jastan asqan azamattarǧa jeke nemese belgılı bır qoǧamdyq oryndarda alkogol ışuge bolady. Būǧan deiın BAÄ-de mūsylman emes, jasy 21-den asqan turister men şetel azamattaryna ǧana alkogol ışuge jäne satyp aluǧa rūqsat edı.
Būdan basqa, basylym mälımetınşe, endı özıne qol jūmsauǧa tyrysqandar qylmystyq jauapqa tartylmaidy jäne nekesı qiylmaǧan jūptarǧa bırge tūruǧa rūqsat etıldı.
Sondai-aq, BAÄ-de äielderge qatysty zorlyq-zombylyq jasaǧandar üşın jaza qataŋdatylǧan.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz