Ázerbaıjannyń Shýshany azat etkeni jalǵan aqpar ma?

1857
Adyrna.kz Telegram

Ázerbaıjan prezıdenti Ilham Álıev jeksenbide el áskeriniń Taýly Qarabaqtaǵy ekinshi úlken qala – Shýshany baqylaýǵa alǵanyn aıtty. Bul habardy Reuters agenttigi taratty dep jazady Azattyq radıosy.

"[Búgingi kún] Ázerbaıjan tarıhyndaǵy erekshe kún bolady" degen Álıev qarýly kúshterdiń Shýshany baqylaýǵa alǵanyn habarlady.

Bakýde halyq jınalyp, oqıǵany toılap jatyr. Kóshede ulttyq jalaýdy jelbiretip, urandatyp júrgender, kólikteriniń sıgnalyn basyp jatqandar kóp.

Moıyndalmaǵan Taýly Qarabaq aımaǵynyń basshylyǵy jáne Armenııanyń qorǵanys mınıstrligi Álıevtiń aqparatyn joqqa shyǵardy.

Armenııa qorǵanys mınıstrligi strategııalyq nysan úshin keskilesken urys júrip jatyr dep málimdese, moıyndalmaǵan Taýly Qarabaq respýblıkasynyń qorǵanys armııasy Ázerbaıjannyń basyp kirý áreketine birneshe márte tosqaýyl bergenderin aıtty.

Túrkııa basshylyǵy Ázerbaıjandy osy oqıǵamen quttyqtady.

"Ázerbaıjan baýyrlarymdy Shýshadaǵy jeńisimen quttyqtaımyn. Bul okkýpaııalanǵan jerdiń qalǵan bóligi de jýyq arada qaıtarylady degen sóz" dedi Túrkııa prezıdenti Rejep Taıyp Erdoǵan eldiń soltústik-batysyndaǵy Kojaelı aımaǵynda jınalǵan jurt aldynda sóılegen sózinde.

Ázerbaıjan Ońtústik Kavkazdaǵy 25 jyldaǵy eń qandy soǵysta bir aıdan astam ýaqyt ishinde Taýly Qarabaq pen onyń mańaıyndaǵy jerdiń birazyna baqylaý ornatty. 1990 jyldardaǵy soǵysta Baký bul jerden aırylyp qalǵan edi.

Ázerbaıjandar "Shýsha", armıandar "Shýshı" dep ataıtyn bul qala aımaq ortalyǵy Stepanakertten ońtústikke qaraı 15 kılometr jerde ornalasqan.

Shýsha eki halyq úshin de mádenı ári strategııalyq mańyzy bar ortalyq sanalady. Munda eki halyqtyń da tarıhı, dinı jádigerleri oryn tepken. Soǵysqa deıin Shýsha turǵyndarynyń kópshiligi ázerbaıjan bolǵan.

Halyqaralyq deńgeıde Ázerbaıjannyń jeri bolyp sanalatyn, kóbine armıandar qonystanǵan Taýly Qarabaq aımaǵynda urys qaıta bastalǵan alty apta ishinde 1 myńǵa jýyq adam qaza bolǵan.

Bul qala Ázerbaıjan kúshteriniń aımaqtyń negizgi qalasy – Stepanakertke shabýyl jasaýyna pladarm bolýy múmkin. Sońǵy kúnderi eki qala da qarqyndy áýe shabýylyna ushyraǵan. Ázerbaıjan qorǵanys mınıstrligi beıbit turǵyndar turatyn aýdandar bombalandy degen habardy "jalǵan aqparat" dep atady.

 

Pikirler