Bıyl Qazaqstan kásipodaqtarynyń qurylǵanyna 30 jyl toldy. Bul qozǵalystyń jumysy sonaý HH ǵasyrda bolǵan jumysshylar kóterilisinen bastaý alǵan edi. Qazirgi tańda «Qazaqstan Respýblıkasy Kásipodaqtar Federaııasy» respýblıkalyq kásipodaqtar birlestigi salalyq kásiptik odaqtardy jáne aýmaqtyq kásipodaqtar birlestikterin biriktiretin kommerııalyq emes uıym bolyp tabylady. Búgingikásipodaqtyń tynys-tirshiligi qandaı? «Adyrna» ulttyq portaly osy salada jumys istep jatqan BQO kásipodaqtar odaǵynyń bas mamany Aqerke ShAIQYmen áńgimelesip, búginge deıin atqarylǵan jumystar jaıly surap bildi.
Zamanaýı qoǵam qalyptastyrýdamyz
Kásipodaqtyń negizgi maqsaty — eńbek daýlaryn sheship, jumyskerlerdiń múddelerin qorǵaý, halyqtyń ómir súrý deńgeıin kóterip, áleýmettik kepildikti qamtamasyz etý. Elbasymyzdyń ózi «jumysshylar ózderin laıyqty sezinýleri úshin kásipodaqtar qozǵalysy óz bıiginde bolýy tıis» dep aıtqan bolatyn. Uıym búginde zamanaýı qoǵamdy qalyptastyrý jolynda qyzmet etip keledi.
Eki mıllıonǵa jýyq múshe bar
Qazirgi tańda elimizde 22 salalyq kásipodaq, 17 aýmaqtyq kásipodaq birlestikteri bar. Onyń quramyna 2 mıllıonǵa jýyq múshe kiredi. Resmı statıstıka boıynsha, elimizdegi jaldamaly jumysshylar sany 6 mln adam bolsa, sonyń 35 paıyzy kásipodaq uıymdaryna múshe. Jalpy kásipodaq birshama jumystardy atqardy. Atap aıtatyn bolsaq, Eńbek kodeksin ázirleý kezinde Kásipodaqtar federaııasy 200-den astam ózgeris usynyp, onyń 117-si zańǵa engizildi. Biz eńbek naryǵynyń tıimdiligin qamtamasyz etýge tyrysamyz. Sondaı-aq, oblystyq kásipodaq komıtetinde kásipodaq kadrlary men aktıvin oqytýǵa kóńil bólip jatyrmyz.
Kásipodaqtyń jas býyn legi qalyptasyp keledi
2020 jyldyń 2 qyrkúıek kúni Qazaqstan Respýblıkasy Kásipodaqtar Federaııasynyń 26-shy sezi ozdyrylyp, kásipodaq qozǵalysynyń 2020-2025 jyldarǵa arnalǵan strategııasy qabyldandy. Bul oraıda "Keleshek" jastar keńesiniń aldaǵy josparlary da óziniń salalaryn keńeıtip, qyzmetterin kúsheıtpek. Endigi jerde keleshektik jastar - kásipodaqtyń quramyna jas býynnyń legin qalyptastyryp ǵana qoımaı, sol jas mamandarǵa quqyqtyq baǵyt-baǵdar berip, áleýmettik-aqparattyq qoldaý kórsetip, jumysshy jastardyń qoǵamdaǵy belsendilikterin arttyrý sharalarymen de aınalysatyn bolady. Atalmysh kásipodaq jastarynan quralǵan belsendi uıymnyń mańyzdylyǵy elimizdegi tótenshe jaǵdaı kezinde erekshe bilindi desem artyq aıtpaǵanym bolar. Batys Qazaqstan oblysy boıynsha "Keleshek" jastar keńesi 2 aı boıy "Tegin áleýmettik dúken" jobasyn uıymdastyryp, óńirimizdegi 20 áleýmettik jaǵynan az qamtylǵan otbasylarǵa tegin azyq-túlik kárzeńkelerin úlestirip, kıim-keshek paketterin tabystaǵan bolatyn. Kásipodaq jastarynyń mundaı belsendi bastamalary aldaǵy ýaqyttarda da óz jalǵasyn tabady dep senemin.
Kásipodaqqa qalaı múshe bola alamyn?
Kásipodaq uıymynyń negizi erikti túrde qurylady. Eger siz jumys isteıtin mekemede kásipodaq uıymy bolmasa, ony óz betińizben qurýǵa múmkindigińiz bar. Al jumys orynyńyzda bastaýysh kásipodaq uıymy bolsa, kásipodaq komıtetine kásipodaqqa múshelikke qabyldaý jáne múshelik kásipodaq jarnasyn ustaý týraly ótinish jazý qajet.
Quqyqtyq kómek kórsetýge daıynbyz!
Kásipodaqqa qatysty barlyq suraqtar boıynsha 8(7172) 643481 jáne 643482 nómirlerine habarlasa alasyz. Eger quqyqtyq kómek alǵyńyz kelse, elektrondy poshtamyzǵa (legaldep@fprk.kz) hat jazyńyz.
«Adyrna» ulttyq portaly
