Búgin qala ákimi Murat Áıtenovke 9 aıdyń qorytyndysy boıynsha
Eńbekshi aýdanynyń ákimi Ǵalymjan Ilıasov esep berdi.
Esepti kezdesýge qala ákiminiń orynbasary men basqarma basshylary qatysty. Aýdan ákimi óz baıandamasynda memlekttik baǵdarlamalardyń oryndalý barysy men atqarylǵan jumystary jóninde málimdedi.
Qala ákimi Eńbekshi aýdanyn aralaý barysynda kórgen kemshilikter boıynsha aýdan ákiminiń jumysyn synǵa aldy. Máselen, ótken jyldyń tıisti kezeńimen salystyrǵanda keıbir salada tómen kórsetkishter bar ekeni aıtyldy. Atap aıtqanda, qysqy jylytý maýsymyna daıyndyq óz deńgeıinde emes. Qatty otyndy paıdalanatyn 1632 jeke turǵyn úıge 5068 tonna kómir qajettiligi bar. Aýdan ákimdigi tarapynan tek 4800 tonna jetkizilgen.
- Turǵyndar qalyń qar túsken kezde qınalyp júrmeýi úshin, búgin daıyndyqty tolyǵymen atqarý kerek. Árbir úıge jylýdyń qosylǵanyn jeke tekserip shyǵý qajet. Kúzgi jaýyn-shashynǵa ırrıgaııalyq aryqtar da tolyq tazalanbaǵan. Sonymen qatar, myna indet barshany sanıtarlyq tazalyqqa úıretip jatyr. Al aýdandy aralasań tek ortalyq jerler ǵana tazalanyp, qalǵan shalǵaı mekenderde ár jerde qoqys shashylyp jatqany kózge shalynady. Kommýnaldyq jumystar nashar deńgeıde júrgizilip jatyr, -dedi qala ákimi.
Kemshilikterdiń merziminde oryndalmaǵanyn aıtqan Murat Áıtenov aýdan ákimine sógis berý jóninde sheshim qabyldady.
Shymkent qalasy ákiminiń baspasóz qyzmeti
