Bul týraly aqparattyq-kommýnıkaııalyq ortalyǵynda ótken baspasóz brıfınginde Shymkent qalalyq Turǵyn úı basqarmasynyń basshysy Ǵalymjan Tólepov málimdedi.
– Bıylǵy Joldaýdyń 4-tarmaǵy baspana máselesine tikeleı baılanysty. Joldaýda Memleket basshysy Qasym-Jomart Toqaev kezekte turǵan adamdardyń baspana máselesin tezirek sheshý kerek ekenin basa aıtty. Osy maqsatta tıisti jumystar atqarylýda. Sonyń biri – «Jumys isteıtin jastarǵa satyp alý quqyǵynsyz jalǵa beriletin turǵyn úı» baǵyty. Bul baǵyt boıynsha jyl sońyna deıin 300 páter beriledi. Al ótinishter «Shymkent-Baspana» avtomattandyrylǵan júıesi arqyly jeltoqsan aıynda qabyldanady, – dedi Ǵ.Tólepov.
Ǵalymjan Ánýarulynyń sózinshe, búginde qalalyq baspana kezegine jalpy 40 148 adam tirkelgen. Onyń ishinde 13 332-si áleýmettik jaǵynan álsiz top sanatyn, al jetim jáne ata-anasynyń qamqorlyǵynsyz qalǵan balalar 1642-ni qurady. Osy rette aıta ketetin jaıt, áleýmettik jaǵynan álsiz top sanatyndaǵylarǵa beriletin turǵyn úıdiń 20 paıyzy jetim jáne ata-anasynyń qamqorlyǵynsyz qalǵan balalarǵa tıesili. Iaǵnı, bıyl 48 arendalyq páterdiń kilti jetim jáne ata-anasynyń qamqorlyǵynsyz qalǵan balalarǵa tabystaldy. Jalpy, 2020 jyly «Nurly jer» memlekettik baǵdarlamasy aıasynda satyp alý quqyǵynsyz 1596 arendalyq baspana berildi.
Baspasóz májilisinde belgili bolǵandaı, turǵyn úı kezegine tirkelgen azamattar boıynsha 118 678 óńdeý júrgizilip, ıeliginde turǵyn úı tirkelgen, basqa eldi mekenge qonys aýdarǵan, sanatyn joǵaltqan jáne qaıtys bolý sebepterimen 4456 azamat turǵyn úı alý tiziminen shyǵarylǵan. Bul tekserý jumystary turaqty túrde jalǵasady.
Aıta keteıik, azamattar óz kezegin «E-gov» elektrondyq portaly men basqarmanyń 8 700 674 20 52 WhatsApp nómiri arqyly bilýge bolady.
Shymkent qalasynyń Aqparattyq-kommýnıkaııalyq ortalyǵy
Foto – Serik Qosaı
