Bügın Sybailas jemqorlyqqa qarsy ıs-qimyl agenttıgı janyndaǧy respublikalyq aqparattyq-aǧartuşylyq ştab jetekşısı Yrza Tūrsynzada jäne Agenttıktıŋ Parasattylyq departamentınıŋ direktory Ǧanijan Asanūly megapoliske jūmys saparymen keldı.
Sybailas jemqorlyqtyŋ aldyn alyp, qoǧamda parasattylyq qūndylyqtaryn qalyptastyrudy közdegen Agenttık jäne Ştab ökılderı qala aktivımen kezdestı.
Qala äkımı Mūrat Äitenov töraǧalyq etken jiynǧa Agenttıktıŋ Şymkent qalasy boiynşa departamentınıŋ basşysy A.Jūmaǧali, «Şymkent-adaldyq alaŋy» jobalyq keŋsesınıŋ, qalalyq aqparattyq-aǧartuşylyq ştabynyŋ müşelerı men jergılıktı atqaruşy organdar, densaulyq saqtau salasynyŋ basşylary qatysty.
Kezdesude qala äkımı Elbasy men Memleket basşysynyŋ sybailas jemqorlyqqa qarsy küreste naqty basymdyqtar qoiǧanyn atap ötıp, qoǧam men memleket igılıgı üşın jemqorlyqty joiu baǧytynda bırlese jūmys jasau qajettıgıne toqtaldy.
- Qalada jemqorlyqqa qarsy ıs-qimyl boiynşa bırqatar jobalar jüzege asyrylyp jatyr. Mäselen biyl pedagog mamandaryn jūmysqa qabyldauǧa arnalǧan hr-process portalyn ıske qostyq. Osyǧan deiın oquşylardy mektepke qabyldau, balabaqşaǧa ornalastyru tolyǧymen elektrondy jüiege ötken bolatyn. Bız ekı jol arqyly nätijege jetemız. Bırı – jemqorlyq äreketterınıŋ oryn aluyna mümkındık bermeu bolsa, ekınşısı saldaryn tüsındırıp aldyn alu. Sondai-aq «Şymkent-adaldyq alaŋy» jobalyq keŋsesı memlekettık organdardyŋ jaŋaşa baǧytta jūmys jasauynda tiımdılıgın körsetıp otyr. Qala äkımınıŋ apparaty jäne 4 audan äkımdıgınde servistık äkımdıkter aşylyp, 197 mekeme OpenSpace formatynda jūmys jasauda, - dedı şahar basşysy.
Jiyn barysynda aqparattyq-aǧartuşylyq ştabtyŋ jetekşısı Yrza Tūrsynzada jemqorlyqtyŋ aldyn aludaǧy nasihattyq jūmystar oŋ äser beretının atap öttı.
Öz kezegınde, Agenttıktıŋ Parasattylyq departamentınıŋ direktory Ǧ.Asanūly aqparatqa qoljetımdılıktı oŋtailandyru, azamattardyŋ memlekettık bilıkke degen senımderın arttyru jäne bilık pen azamattyq qoǧam arasyndaǧy bailanystyŋ tıkelei arnasyn qūru maqsatynda qūrylǧan «Aşyq biudjetterdıŋ interaktivtı kartasy» jobasymen tanystyrdy.
Kezdesudı qorytyndylaǧan qala äkımı Mūrat Äitenov jemqorlyqtyŋ aldyn aludaǧy jūmystar jalǧasyn tabatyndyǧyn jetkızdı.
Şymkent qalasy äkımınıŋ baspasöz qyzmetı
