Ákimshilik quqyq jáne ákimshilik proess boıynsha TMD keńistiginde tanymal halyqaralyq sarapshylardyń biri, M.S. Nárikbaev atyndaǵy KAZGIýÝ Ýnıversıtetiniń professory Roman Melnık Feısbýktegi paraqshasynda ınbrıdıng týraly jazdy dep habarlaıdy "Adyrna" ulttyq portaly. Inbrıdıng degenimiz stýdent, magıstrant, doktoranttyń ózi oqyǵan ýnıversıtetinde oqytýshy bolyp qyzmet etýi. Ibrıdıng, eń aldymen, ýnıversıtettiń jumysyna, damýyna kedergi jasaıdy, jańa ǵylymı ıdeıa men kreatıvti kózqarastyń joıylýyna alyp keledi, — deıdi Roman Melnık jazbasynda. https://www.facebook.com/roman.melnyk.948
Inbrıdıng uǵymy kóptegen elderdiń akademııalyq júıesinde jıi kezdesedi. Professor Melnıktiń aıtýynsha, keshegi túlek ózine sabaq bergen professorlar men doentterge táýeldi. Jas ǵalym tálimgerleriniń ǵylymı kózqarastaryna kúmán keltirmeıdi, syn da aıta almaıdy. Nátıjesinde ǵylymı zertteýlerdiń sapasy tómendeıdi.
«Óz túlekterin oqytýshylyq qyzmetke qabyldaý saıasaty — akademııalyq ınbrıdıng, postkeńestik keńistiktegi elderde keń taraǵan. Olardyń oıynsha, ózimizdiń túlek «syrttan kelgenderge» qaraǵanda senimdi, oqý ornynyń ishki júıesin, tarıhyn, dástúrin biledi. Bul pikir — taza ýtopııa» ,- deıdi Roman Melnık.
Professor jazbasynda Stenfordtyń professorlyq quramy boıynsha mysal keltiripti. Stenfordta 42 Nobel syılyǵy laýreaty jumys isteıdi, onyń tek 5-eýi óz túlegi eken.
«Ýnıversıtet naryqtaǵy úzdik kadrlar úshin kúresip, olardy izdep taýyp, jumysqa shaqyryp, shyǵarmashylyǵyna qolaıly jaǵdaı jasaýy kerek. Sonda ýnıversıtettiń boıyna «jańa» qan júgiredi. Álemdik deńgeıdegi ýnıversıtetter ınbrıdıngke qarsy saıasat ustanady. Sol oqý ornynda ǵylymı dáreje alǵan adamdardy ýnıversıtetke jumysqa qabyldaýǵa zańmen tyıym salynǵan» ,- deıdi M.S. Nárikbaev atyndaǵy KAZGIýÝ Ýnıversıtetiniń professory Roman Melnık.
