Qazaqstanda dinı telearna ashylady

2954
Adyrna.kz Telegram

Qazaqstan musylmandary dinı basqarmasy janynan «Halyq arna» respýblıkalyq telearnasy ashylady, – dep habarlaıdy «Adyrna» ulttyq portaly Qazaqparatqa silteme jasap.

«Qazaqstan musylmandary dinı basqarmasynyń qurylǵanyna 30 jyl tolýyna oraı kóptegen ıgi shara uıymdastyryldy. Pandemııa kezinde múftııat qaıyrymdylyq baǵytta birqatar sharalar atqardy. Sonymen qatar karantın kezinde onlaın nasıhat jumystarynyń mańyzy artty. Degenmen aqparat ǵasyrynda jańa tehnologııany ıgerip, nasıhat júrgizý men aqparat taratýdyń televızııalyq tásilin ózimizden basqarýdy uıǵardyq. Osyǵan oraı QMDB janynan respýblıkalyq «Halyq arna» atty tól telearnamyzdy ashqaly otyrmyz»,-delingen dinı basqarmanyń resmı aqparatynda.

Erteń telearnanyń ashylýyna QMDB tóraǵasy, Bas múftı Naýryzbaı qajy Taǵanuly, elge belgili qoǵam qaıratkerleri qatyspaq.

Qazirgi tańda arnaǵa qajetti kontentti jınaqtaý jumysy aıaqtaldy. Dinı baǵyttaǵy baǵdarlamalar, suhbattar, sıýjetter men beıne-rolıkterdiń basym bóligi QMDB-nyń bas keńsesinde túsiriledi. Arnany «Otaý tv» men «Alma tv» kabeldik jelilerinen kórýge bolady.

«Adyrna» ulttyq portaly

Pikirler