Qazaqstan mūsylmandary dıni basqarmasy janynan «Halyq arna» respublikalyq telearnasy aşylady, – dep habarlaidy «Adyrna» ūlttyq portaly Qazaqparatqa sılteme jasap.
«Qazaqstan mūsylmandary dıni basqarmasynyŋ qūrylǧanyna 30 jyl toluyna orai köptegen igı şara ūiymdastyryldy. Pandemiia kezınde müftiiat qaiyrymdylyq baǧytta bırqatar şaralar atqardy. Sonymen qatar karantin kezınde onlain nasihat jūmystarynyŋ maŋyzy artty. Degenmen aqparat ǧasyrynda jaŋa tehnologiiany igerıp, nasihat jürgızu men aqparat taratudyŋ televiziialyq täsılın özımızden basqarudy ūiǧardyq. Osyǧan orai QMDB janynan respublikalyq «Halyq arna» atty töl telearnamyzdy aşqaly otyrmyz»,-delıngen dıni basqarmanyŋ resmi aqparatynda.Erteŋ telearnanyŋ aşyluyna QMDB töraǧasy, Bas müfti Nauryzbai qajy Taǧanūly, elge belgılı qoǧam qairatkerlerı qatyspaq. Qazırgı taŋda arnaǧa qajettı kontenttı jinaqtau jūmysy aiaqtaldy. Dıni baǧyttaǧy baǧdarlamalar, sūhbattar, siujetter men beine-rolikterdıŋ basym bölıgı QMDB-nyŋ bas keŋsesınde tüsırıledı. Arnany «Otau tv» men «Alma tv» kabeldık jelılerınen köruge bolady.
«Adyrna» ūlttyq portaly
