Kez kelgen tildiń erteńi – balanyń tilinde

1914
Adyrna.kz Telegram

QR Aqparat jáne qoǵamdyq damý mınıstri Aıda Balaeva qoǵamdyq sanany jańǵyrtý boıynsha Ulttyq komıssııa otyrysynda ana tiliniń ahýalyna qatysty jumysty álemge tanymal telearnalar men kitap betterindegi bala kontentinen bastaý kerek degen usynys baryn aıtty, dep habarlaıdy "Adyrna" ulttyq portaly BAQ.KZ-ke silteme jasap.

«Rýhanı qundylyqtar qatarynda ana tilimizdiń ahýaly aldyńǵy qatarda turatyny belgili». Bul Memleket basshysynyń halyqqa Joldaýynda aıtqan «Qazaq tiliniń memlekettik til retindegi róli kúsheıip, ultaralyq qatynas tiline aınalatyn kezeńi alys emes» degen qaǵıdasymen tikeleı úndes. Al kez kelgen tildiń erteńi – balanyń tilinde. Sondyqtan da, bul jumysty álemge tanymal telearnalar men kitap betterindegi bala kontentinen bastaý kerek degen usynys bar. Naqty aıtsaq, «Nickelodeon», «Disney», «TiJi» telearnalarynyń mýltıplıkaııalyq fılmderin qazaq tiline aýdarý boıynsha joba daıyndalyp, Úkimet qaraýyna usynylǵan bolatyn. Qazirgi tańda birjaqty sheshim kútip otyrmyz, - dedi ol.

Budan bólek, ol mınıstrliktiń bastamasymen Y.Altynsarın atyndaǵy Ulttyq bilim akademııasynyń qatysýymen balalar ádebıetiniń 20 álemdik bestsellerleriniń tizimi jasalyp, ishki qarjylyq múmkindikterdi qarastyra otyryp, aýdarmanyń aýdıo elektrondyq nusqasyn jasaý týraly sheshim qabyldanǵanyn jetkizdi.

Bul jumystardyń barlyǵy – el ishinde, ásirese, balalar men jastar arasynda rýhanı-adamgershilik tárbıe júıesin júzege asyrýdyń birtutas jol kartasyn qalyptastyryp, birneshe múddeli memlekettik organdardyń atsalysýymen iske asyrýdy kózdeıdi. Óz kezegide Aqparat jáne qoǵamdyq damý mınıstrligi bul jumystyń negizgi úılestirýshisi qyzmetin óz moınyna alýǵa daıar, - dedi ol.

Pikirler