70 jyldan astam ýaqyt ótse de Ekinshi dúnıejúzilik soǵystyń adamzatqa tıgizgen kesapaty men qasireti, eki aıaqty adamdardyń bir-birine jasaǵan jaýyzdyqtary umytyla qoıǵan joq. Múmkin áli talaı ýaqyt umytylmasta.
Reseıdiń Novgorod oblysyndaǵy Solekıı aýdandyq soty fashısterdiń beıbit turǵyndardy jappaı óltirýin alǵash ret «genoıd» dep tanydy. Bul týraly «Adyrna» ulttyq portaly ria.ru – ǵa silteme jasaı otyryp habarlaıdy.
«Reseıde keńes azamattaryn naısterdiń óltýri alǵash ret genoıd dep tanyldy. Bul jerde Novgorod oblysynyń Jestıanaıa Gorka aýylyndaǵy 1942 jyly bolǵan qyrǵyn týraly aıtyp otyrmyz» - delingen maqalada.
«Zańdy máni bar fakti anyqtalsyn: 1942-1943 jyldary «taıltoptyń» sarbazdarynyń kem degende 2,6 myń keńes azamatyna qatysty jasaǵan qaıta anyqtalǵan qylmystary adamzatqa qarsy jasalǵan áskerı qylmystar, etnıkalyq toptardyń genoıdi dep tanylsyn», — dedi sýdıa Marına Malysheva».
Jestıanaıa Gorkadaǵy adamdardy jappaı joıý «Keńes Odaǵynyń beıbit turǵyndaryn kúshtep qýyp shyǵý arqyly azat etilgen aýmaqty nemisterdiń otarlaýy úshin jasaǵan Germanııanyń josparynyń bir bóligi bolǵan».
Qorytyndy sózinde Novgorod oblysy prokýratýrasynyń azamattyq-quqyqtyq bóliminiń bastyǵy Vıtalıı Novıkov Nıýrnberg trıbýnalynyń jarǵysyna sáıkes áskerı qylmystardyń eskirý merzimi joq ekenin eske saldy.
Tarıhshylardyń málimetinshe 1942 jyly Jestıanaıa Gorka aýylynda naıstik jazalaýshylar beıbit turǵyndardy jappaı atyp óltirgen. Ótken jyldyń kókteminde «eskirý merzimi joq»-atty Búkilreseılik joba aıasynda júrgizilgen izdeý jumystary barysyndy atalǵan eldimekennen 500-den astam adam qaldyqtary tabylǵan.
Aıaýsyz óltirilgenderdiń arasynda 188 bala boldy, olardyń eń kishisi nebary bes jasta bolǵan eken.
Osynyń báriniń negizgi uıymdastyrýshysy dep – nemis generaly Kýrt Gerog tanylǵan, ol 1947 jyly keńestik áskerı trıbýnalmen 25 jyldyq lagerge sottalǵan edi, alaıda kópke barmaı 1948 jyly qaıtys bolady. Al buıryqty oryndaýshylar bolsa jaýapkershilikke tartylmaǵan.
Prezıdenttiń kómekshisi Vladımır Medınskıı KSRO-nyń soǵysta úlken shyǵyndarǵa ushyraǵanyna qaramastan (adam shyǵyny), genoıd faktisi halyqaralyq deńgeıde tek evreılerge, syǵandarǵa jáne serbterge qatysty moıyndalǵanyn atap ótti.
Reseıdiń Qorǵanys mınıstrliginiń málimetinshe, Keńes Odaǵy 1941-1945 jyldardaǵy soǵysta 27 mıllıon adamynan aıyrylǵan eken.
Foto ashyq derekkózden alyndy
«Adyrna» ulttyq portaly