Keshe, 27.10.2020 jyly Qazaqstannyń halyq ártisi, Qazaqstannyń memlekettik syılyǵynyń laýreaty, Parasat, Qurmet ordenderiniń ıegeri Nurǵalı Núsipjanovtyń 82 jasynda áke atanǵany jaıly aqparat áleýmettik jeliler men BAQ arqyly taraǵan edi. Osy aqparat boıynsha Almaty telearnasynyń basshysy Nurjan JALAÝQYZY arnaıy túsinik berdi, - dep habarlaıdy «Adyrna» ulttyq portaly.
Mundaı qaýesettiń taralýyna túrtki bolǵan Almaty telearnasynyń Paparazzi baǵdarlamasy. Osyǵan oraı Almaty telearnasynyń basshysy Nurjan Jalaýqyzy Facebook paraqshasynda halyqtan jáne aıtýly óner tulǵasynan keshirim surady.
Nurjan Jalaýqyzy: «Qurmetti FB oqyrmandary!
Kesheden beri qazaq eliniń birtýar azamaty Nurǵalı Núsipjanov aǵamyz týraly tarap jatqan aqparattyń shyndyqqa janaspaıtynyn aıtqym keledi. Eń aldymen Almaty telearnasynyń basshysy retinde Nurǵalı aǵadan keshirim suraımyn! Sizdiń júregińizge abaısyzda túsken osynaý qaıaý meniń áriptesterim úshin úlken sabaq bolary sózsiz.
Sondaı-aq, telearnamyzdyń tapsyrysymen daıyndalatyn Paparazzi baǵdarlamasynyń tilshisimen kórermenderge jalǵan aqparat taratqany úshin budan bylaı jumys istemeıtindigimizdi xabarlaımyn.
Telearnamyzdyń ustanymy - qazaq eliniń keshegisi men búgini úshin aıanbaı eńbek etken ár saladaǵy aıaýly ul-qyzdaryna árdaıym qurmetpen qaraý bolyp qala beredi», - deıdi jazbasynda.
Foto ashyq derekkózden alyndy
«Adyrna» ulttyq portaly
