Almaty oblysynyń mádenıet basqarmasy Qazaq KSR Kompartııasy Ortalyq Komıtetiniń birinshi hatshysy Dinmuhamed Qonaevqa eskertkish ornatý toqtatylǵanyn málim etti, dep habarlaıdy «Adyrna» ulttyq portaly Stan.kz aqparat agenttigine silteme jasap.
Anyqtalǵandaı, eskertkish ruqsat qujattarynsyz ornatyla bastaǵan. Endi avtorlar jobany komıssııa aldynda qaıta qorǵaýy kerek.
"2020 jyldyń 15 qazanynda Qazaqstannyń memleket jáne qoǵam qaıratkeri D.A. Qonaevtyń eskertkishin ornatý jónindegi barlyq tıisti qujattar tarıh jáne mádenıet eskertkishterin qorǵaý jónindegi oblystyq komıssııamen qaralyp, maquldandy. Sodan keıin barlyq tıisti qujattar Nur-sultan qalasyna monýmentti ónerdiń jańa qurylystaryn ornatý jónindegi Qazaqstannyń memlekettik komıssııasynyń qaraýyna jiberildi.
20 qazanda áleýmettik jelilerden Memlekettik komıssııanyń sheshimin kútpeı-aq, D.Qonaevqa eskertkish ornatylǵany belgili boldy.
21 qazanda jumys toby quryldy, buzýshylyqtardy anyqtaý úshin Balqash óńirine bardy. Barlyq jaýapty tulǵalardy, sonyń ishinde músinshini jınap, jumys toby eskertkishti ornatý boıynsha barlyq qurylys jumystaryn toqtatty, sondaı-aq eskertkish boıynsha barlyq eskertýlerdi eki apta merzimde joıýǵa nusqaý berildi.
Monýmentti ónerdiń jańa qurylystaryn ornatý jónindegi Qazaqstannyń memlekettik komıssııasy bul eskertkishtiń barlyq tıisti qujattaryn qarastyryp, maquldamady. Óz kezeginde Balqash aýdanynyń ákimdigi tarıhı jáne mádenı eskertkishterdi qorǵaý jónindegi oblystyq komıssııanyń qaraýyna qujattar men eskızdik jobalardy qaıtadan usynýy tıis", - dep habarlady Almaty oblysynyń mádenıet, arhıvter jáne qujattama basqarmasy.
Eske salaıyq, jańa eskertkishti Qaznet qoldanýshylary synǵa aldy. Narazylardyń arasynda qaıratkerdiń týystary da boldy.
